[Heinrich] Stapfer darf bei [Leonhard] Hospinian bleiben, obwohl die Vorwürfe gegen ihn nicht aus der Luft gegriffen waren. Bullinger weist Zweifel an der Bundestreue der Zürcher zurück, wünscht aber wie der Gesandte [Hans Edlibach] eine friedliche Lösung [des Arsent-Handels]; hat in diesem Sinne auch an Bürgermeister [Jakob Meyer]geschrieben. Die Spaltung der Berner Kirche zeigt, daß Bucer rücksichtslos auf der Übernahme seiner Lehrweise besteht, während Luther, der solches hoffentlich nicht billigt, weiterhin schweigt. Megander kehrt nach Zürich zurück; Myconius wird von der Neufassung des [Meganderschen] Katechismus bereits Kenntnis haben.

Gratiam et vitae innocentiam a domino.

Factum est, Myconi colende, quod iubebas, cum Stapfero puero 1 ; non cogitur redire ad Carol[stadium], manebit apud Hospinianum. Caeterum accusationis capita satis quidem gravia allata ad nos non omnino vana et conficta fuerunt. Bene tamen habebit negotium, si perrexerit in eo studio et sedulitate ea, quam nobis est pollicitus. Oro te per dominum, ut tuae quoque curae illum habeas commendatum.

De iis, qui sunt ultra Albim montem ² , vanissima retulerunt, quicunque dixerunt vix retentos, quo minus ad vos cucurrerint. Miror, qui nam tales rumores spargant, cum non dubitem illos tale nihil somniasse. Certe favent egregie Basileiensibus ut Tigurini reliqui. Nil moror, quid suspitiones multorum male ominentur de Tigurinis. Ich acht es gentzlich darfür, wenn es ye sin müsse und man den ernst, das es nitt anders sin mög, erfaare, hoff ich, Zürych werd thun, alls sich gepürt und iro eer vor gott und der wällt sin werde. Qui gravatim in harenam descendunt ³ et parum irritabiles, adde: et pollicitis parci sunt, diutius herent implacabiliores et in praestando liberiores sunt plerunque. Crede mihi studium nostrorum erga vestros integrum esse. Interim ad extremum usque quaerent aequas conditiones, quibus bellum prohibeant, neque id damnare possum. Facilius est quietum commovere quam motum pacare. De legatulo ⁴ nunc nihil dico, qui ut reliqui bellum metuit. Metuo et ego, maxime, cum sciam, quales simus. Oro dominum, ut alia via iniuriam illam ⁵ ulciscatur, id quod fieri poterit, si vestri fuerint constantes, prudentes et pii. Quae autem de nostris sperem, dixi; nihil neque nunc neque superioribus literis ⁶ pollicitus sum. Neque aliquid polliceri vel

De concordia quid sperem, non est, quod scribam. Video autem illustrem Bernatium ecclesiam studio Buceri nimio scissam maxime periclitari. Nulla est speranda concordia, nisi omnia Buceri approbemus et illius loquendi modos recipiamus. Memini a nunc illius post festum ⁸ , quod aliquando scribebas 9 brevi nobis plus futurum negotii cum Bucero, quam sit cum Luthero b c . Spero autem Luthero illa Buceri studia neutiquam probari. Non satis est dixisse: "Minister dat petenti sacramentum corporis domini", id quod veteres dixerunt, nisi ita loquamur: "Minister cum signo exhibet tibi corpus Christi." Non audimur dicentes: "Corpus Christi ad dexteram sedet, tota Christi efficatia fide percipitur in coena"; oportet dicere: "Totus Christus est in coena, deus et homo, sed coelesti modo et invisibiliter."||154 Praetenditur interim confessio Basileiensis 10 ; sed quem interim sensum illi indant, nescio, cum toties nova profundantur vocabula. Nihil scribit Lutherus, nihil respondetur nobis ad nostra 11 ; negligimur. Interim Bucerus subinde novis consiliis nostras tentat ecclesias.

Megander Tigurum veniet Bernam relicturus. Quid in catechismo novatum sit ¹² , non nescis. Dominus tueatur suos et veritatem suam!

Vale in domino et saluta verbis meis d. Grynaeum d , dominum colendissimum, et reliquos.

23. ianuarii 1538.

H. Bullingerus tuus.

[Adresse darunter:] Colendissimo domino et fratri suo d. Osvaldo Myconio, Basileien[sis] ecclesiae antistiti vigilantissimo e .