Um die bernischen Truppen [in der Waadt] steht es gut. Jakob Vogt schreibt: Die Berner haben dem französischen Gesandten [Jean d'Estouteville] gegenüber erklärt, keine Einwände gegen die beabsichtigte Einnahme savoyischer Gebiete durch König [Franz I.] zu haben. Danach haben sie die Festung Klus erobert und dort eine Besatzung mit Jakob Hetzel als Hauptmann zurückgelassen. Laut ihrem Schreiben aus Morges wollen sie nun La Sarraz und Yverdon einnehmen und haben deshalb Geschütze angefordert; diese sind bereits mit einer Begleitmannschaft unterwegs. Freiburg wird nach Verhandlungen mit Bern voraussichtlich mehrere Orte besetzen. Auch die Walliser haben viel Land eingenommen; ein Berner Ratsbote ist bei ihnen. [Louis Daugerant, Herr von]Boisrigaut und ein Gesandter des Kaisers [Nicolas de Gilley, Herr von Marnoz] haben Bern aufgefordert, stillzuhalten; dem Kaiser wird nun ein ausführlicher Bericht gesandt. —Sulpitius Haller berichtet ergänzend: Der Auszug der Freiburger ist nach Erhalt eines Schreibens der V Orte unterblieben. Bern hat zwei weitere Geschütze nach Yverdon geschickt. Verspricht, Bullinger auf dem laufenden zu halten, dankt für dessen Bericht [über die Verhandlungen in Basel] und sendet Grüsse.

Min früntlich grus und willing diens zu for.

Lieber Meyster Heinrich, ich lan üch wüssen, das es wol b stat umb unser kneck im feld 1 , got syg lob und er in eüwikeit. Lieber Meyster Heinrich, es hat mier ein guter fründ und bruder 2 geschriben; sick ich üch die koppi zu: "Min frünttlich grus und willing c dienst sige üch von mier alle zit bereitt. Lieber her und bruder, ich las üch wüssenn von wegen unssers kriegs volck, das as inenn von den gnaden gotts wol gat. Enet Jenff 3 im läger ist zu inen komen der proffos von Parys ⁴ , in names des küngs ⁵ inenn an zeigt, wie der küng willens sig, etlich land in zenemen, so er vermeint, rächt dar zu ze haben, als Kamrach ⁶ , Rümely ⁷ , Salenoüwen das tal Morienen ⁹ . Haben unsser heren im gantwürt, es sig nyt minder 10 , sy sigenn willens gesin, an die genamten d pläcz zu ziechenn; dann sy ver nomenn, das etlich ir figent 11 sich da uffenthaltenn. So aber der küng die placz zu sinen handen wel nemen, lassen sis pschächenn 12 , wellend in oüch nüt irenn ¹³ , so ver ¹⁴ er sy oüch las machen, in hoffnung, er werde unsser gutter fründ und nach pür sin; des där her träffenlich wol zu friden gsin.

Uff das sind sy zogen gegen der Klüs, die understanden in zu nämen ¹⁵ ; ist ein vast werlicher fläcken ¹⁶ . Haben sy dermas umbgäben und an gfochtenn, das sy sich haben uffgäben, und e also die klüs ingenomen an ¹⁷ schaden unserthalb, got sy lob, das kriegs volck, so drin gsin, an gwer ¹⁸ lasen abzien, ein eid gschworen, in drigan maneten ¹⁹ nit wider uns ze züchen. Sinnd also wider uff Jenff zu zogen, ein zu sacz ²⁰ in der klüs gelasen, Jacob Heczel, 21 houptman; dan as ein schlüssel des lands ist.

Uff süntag vergangen ²² haben wier brieff von inen enpfangen, so zù Morse us gangen ²³ , das sy willens, uff Lassera ²⁴ zu, das zefergen ²⁵ , ouch etlich plecz under wegen in zunemen, dem nach uff Ifferden ²⁶ da wellen sy uff hüt sin mit beger, inen zeschickenn 2 kortenen ²⁷ , 2 notschlangen ²⁸ , 2 boler ²⁹ mit ir municzion, das wier inen schick uff hüt mit beleitüng 200 manen us der stat; dan äs f niemen wilig ist, da heinen ³⁰ zebliben, wan wier al gern zu inen weren.

So den bin ich gutter hoffnung, unser mit bürger vonn Frybürg werdenn oüch uff sin 31 , Remünd, Rüw, Fifis ³² und noch me fleckenn innemen g ; dann wiers inen verwilget ³³ . Dan wier unser botschafft by inen ghept und sy die ir botschafft by uns ³⁴ von wegenn der flecken, und was ghandlet, wer vil zlang zeschryben. Wen ier har koment, wil ich üch als an zeigen.

Der Walysser halb sind wier wol mit inen zfriden; habenn oüch fil ingnomen 35 . Wier haben oüch ein ratz bot by inen in Walles ³⁶ .

Jecz nit mer. Sint got bevollen. Grüssen uns aller üwer husfrow und üwer kind ³⁷

Datum am 22. tag hornung im 36. jar.

Üwer dienner

Jacob Vogt.