[1430]
Autograph: Zürich StA, E II 335, 2041r. -v. (Siegel) Regest (mit Zitat): Köhler, Hessen und die Schweiz 470f, Nr. 18
Ein Marburger Ratsherr wird diesen Brief samt Briefen von Gwalthers Studienkollegen von Konstanz aus nach Zürich senden; sein Bote soll beim Vater von [Johann Jakob] Wick einkehren und die Antwortschreiben mitnehmen. Hätte manches zu berichten, doch es sind nur Gerüchte. Die vier Zürcher Studenten haben sich überzeugen lassen, daß sie den Magistergrad anstreben sollten, weil dies für fahrende Schüler fast unerläßlich ist; außerdem ist es von Vorteil, ein Zeugnis heimzubringen, und schließlich sind Kenntnisse der Freien Künste auch für Theologen wichtig. Läßt [Heinrich]Nüscheler bitten, ihm fünf Gulden zu leihen; nächstes Jahr wird er durch Lehrtätigkeit selbst etwas verdienen können. Seine Monomachia" wird auf die Messe hin fertig; Bullinger soll ihm schreiben, stein er dieses Werk sowie die "Epistolae heroinae" widmen soll. Schickt in Kürze sein Epicedium auf Eobanus [Hessus]. Bittet um Zwingli-Medaillen für Lonicerus und Rudolphi; Stampfer soll ihm auch eine entsprechende Zeichnung senden, da ein Marburger Buchbinder das Porträt Zwinglis auf Bucheinbände prägen möchte. Heinrich von Braunschweig soll etwas gegen Minden und Landgraf [Philipp von Hessen] im Schilde führen; Melanchthon ist in Worms; Kaiser [Karl V.] soll nach Deutschland unterwegs sein; man sagt, Sultan [Suleiman I.] sei gestorben; laut wenig glaubwürdigen Gerüchten soll Zürich die Fünf Orte besiegt haben. Bittet ihn, sich zu seinen Plänen zu äußern und sich bei Froschauer für ihn einzusetzen. Grüße.
Gratiam et pacem a domino a .
Commodum evenit (humanissime pater), ut senator quidam Marpurgensis 1 Constantiam petiturus nomine nostro se nuntium ad vos missurum promitteret; quare has literas meas et meorum sodalium 2 ad te transmisi, ut illico parentibus eorum tradendas b cures, quo per hunc eundem tabellarium responsum nos omnes habeamus. Nuntium vero ad Wikii parentem 3 divertere iubeas, quaeso; scripsit Wikius, ut ei domi suae itineris merces et hospicium exhibeatur.
Multa autem sunt, pater colendissime, quae scribenda essent, nisi incerto vulgi ore hinc inde dispersa talia essent, quae vix fidem apud omnes merentur.
Quod vero res meas attinet, curabis, quaeso, ut nunc bonorum virorum auxilia non desint. Nunc etenim professorum huius academiae iussu et hortatu crebro, aliorum quoque impulsu inductus sum una cum sodalibus meis, ut magisterii gradum proximo anno una recipiamus. Tres alii iam festis bachanalibus lauream 4 accipient, hoc autem onere ego liberatus, cum tempus
| Briefe_Vol_10-181 | arpa |
|---|
constitutum venerit, lauream et c magistri gradum simul recipiam. Induxerunt me huc non modo horum hortationes, sed et aliae causae non parvae, quarum maxima est, quod hoc imprimis prodesse iis, qui alienas scholas semel invisere instituerunt, video d ; quantum vero gradu carere obsit, et in aliis et in me ipso expertus sum. Deinde et nostros non indigne laturos credo, si quis studii et laborum suorum publice testimonium accipiat, ut interim de diligentia cura et studio vigilantiori taceam, quod semper in iis esse solet, qui publicum studiorum suorum specimen exhibere coguntur. Quare neque te puto haec singula diligentius perpendentem meis inceptis adversum fore. Interim enim nequaquam meae vocationi oblitus theologiam (cuius mihi studium primum est) relinquo, sed artium cognitionem rein e huic non tam utilem quam necessariam adiungo. Video enim - et id, quam velim, saepius - quam rudes theologi sint in sua quoque professione doctissimi, qui artium f liberalium institutione destituuntur. Sed haec apud te agere non opus est, cuius iuditium hac in re maius est, quam ut mea informatione egeat.
Nunc vero te rogatum velim, pater humanissime, ut meo nomine Nüschelerum 5 adire velis, si forte per hunc tabellarium florenos quinque mihi mittere et mutuo dare velit; urgeor enim rerum summa inopia. Ex nummis enim a Froschouero acceptis 6 cum vestes et libros quoque emere coactus sim, non multum fuit residui. Scripsi et nuper ad te et Nuschelerum de nummis ad nundinas mittendis 7 ; nunc vero vaehementer oro, ut tantum agas, quo haec per illum tabellarium recipiam. Ego certe bona fide curabo, ne vestra beneficia aut in ignavum aut ingratum collata esse videantur. Hoc quoque anno transacto (quo mihi minus sordide vivendum erit) minori impensa vivere potero, cum et profitendi et privatim docendi copiam nactus fuero. Ad quam facultatem ut vestra mihi auxilio esse velit beneficentia, iterum atque iterum obsecro.
Quod Monomachiam 8 attinet, scias me duos libros absolvisse; in tertio nunc versor. Ad nundinas mecum Frankfordiam afferam absoluta omnia; tu nunc eorum scribe nomina, quibus dedicetur. Interim quoque consule, cui nam heroinas (quas huic adiungam) epistolas 9 nutncupari g velis. Sunt forsan septem vel octo, quarum argumenta omnia ex sacris literis desumpta sunt. Epicedium Eobani 10 brevi mittam.
||2041v. Praeterea rogo te, ut aut nunc aut proximis nundinis ad me mittas duas H. Zvinglii imagines 11 argenteas minimi, quo inveniuntur, pretii; velim enim alteram d. M. Lonicero, praeceptori meo privato, alteram Chaspari
| Briefe_Vol_10-182 | arpa |
|---|
Rodolph, dialectices professori, viris optime mihi faventibus et nostrae relligionis amatoribus summis, dono dare. Orabis quoque Stampferum, ut eandem imaginem calamo depingere dignetur. Dass er sy klein mitt der fäderen risse 12 in viereggachtiger 13 form und es by dem 14 Froschouer gan Frankfurt schicke, dann der buchbinder 15 zu Marpurg wolt es darvon lassen in kupfer stächen, das mans konte mit gold uff die bücher truken 16 . Quare ea forma earn fieri velit, ut etiam psalteriis minoribus imprimi possit. Tu, quaeso, haec, quae tua est erga hunc virum reverentia, haec curare velis.
Multa moliri audio contra Mindenses et Lantgrafium 17 d. Heinrychum Brunsvicensem. Philippus Melanchton Wormatiae est 18 . Caesarem in Germaniam adventare ab aulicis nonnullis mihi relatum est concordiam restauraturus 19 . Turcarum imperator, ut aiunt, e vivis excessit 20 . Fama ad nos pervenerat Tigurinos cum Quinque Pagicis conflixisse foelici successu, hostium cecidisse quinque millia. Sed falsum esse credo, cum nulla maior fama oborta sit 21 .
Tu, quaeso, charissime pater, per hunc mihi rescribito, qua spe, quo consilio et auxilio in his meis inceptis uti debeam. Froschouerum quoque, quaeso, efficias, ut amicum et Moecenatem 22 habere possim.
Salutabis nomine meo uxorem 23 et matrem 24 tuam cum omni familia. Christianum 25 hortare, ut rescribat. Vale, pater colendissime, et in te uno sperantem tuo iuves auxilio.
Marpurgi, idibus novembris 1540.
Tui h observantissimus
Rodolphus Gvaltherus.
[Adresse darunter:] Clarissimo viro d. Heinrycho Bullingero, patri et domino suo colendissimo. T[igu]ri i .
