Obwohl Bucer ihre Auffassung sehr wohl kennt, bekennen sie, immer biblisch die Gegenwart Christi beim Abendmahl gelehrt zu haben. Alles Außerliche ist nur wie ein Instrument, welches den widerstrebenden Körper dem Geist gehorsam macht, indem das Hören, Sehen und Schmecken betroffen werden. Unterschreiben das Zürcher Bekenntnis [Nr. 482].

Fratres, qui Scaphusie Christi evangelium adnuncciant b .

Tametsi sententiam nostram de sacrosancta caena dominica charissimus frater noster Martinus Buccerus probe teneat eamque, ut ecclesie nostre proposuimus, non ignoret a , tamen - ne videamur aut sensisse aut docuisse unquam, quod sacris litteris non esset c proditum - fatemur primo Christum huic sancte institutioni adesse, quemadmodum d promisit Math. 18[20]: «Ubi duo vel tres» etc. e Deinde ipsum esse summum sacerdotem et pontificem 3 , qui suo vero tradito corpore et vero f fuso sanguine, qui sibi fidunt, vere pascit et refocillat in vitam eternam ⁴ modo, quo anime nostre edere ac bibere possunt. Ad quod sanctissimum opus externa omnia ceu organa et instrumenta sunt ordinata, quibus sensus externi capiantur et infestum alias corpus obsequiosum spiritui ultra sensibilia evecti reddatur. Percellitur enim auditus in adnunctiatione mortis dominice, visus in fractione panis, gustus in perceptione sanctissimorum simbolorum etc. Que omnia a charissimis fratribus nostris Tigurinis quam diligentissime sunt perpensa, quorum confessioni 5 plane subscribimus per omnia propriis manibus 6 .

Benedictus Burgouer,

Erasmus Ritter,

Sebastianus Grubel,

Wolfgangus Biderman 7 .