Schickt ein Exemplar ihres Bekenntnisses [Nr. 491]als Anhang zu jenem der Zürcher [Nr. 482], dem er von sich aus nur ihre Unterschriften zugefügt hätte. Dankt für die Gemeinschaft sowie für die Bereitstellung eines Schutzes vor lutherischen Verleumdungen.

Praestantissimis simulque doctissimis viris, charissimis fratribus, Tigurinae ecclesiae pastoribus et lectoribus, Erasmus Ritter gratiam et pacem optat a deo per Iesum Christum.

Ut certiores vos faciam, praestantissimi viri, charissimi fratres, confessionis nostrae 1 , quam vestrae ² adiunximus, exemplar vobis exhibeo, tametsi reliqui fratres si mihi, inquam, obtemperassent, plane nihil exceptis nominibus addidissem. Tam emuncta, tam absoluta vestra omnia extitere, ut non opus fuisset rem dictam denuo dicere neque post Homerum Iliada canere.

Quod vero nos in numerum vestrum collocatis, quod pro fratribus, symmistis adeoque membris vestris agnoscitis, quod denique sub celeberrima vestra confessione tueri adversus calumnias Lutheranas copiam nobis et potestatem fecistis, habeo gratiam et habiturus sum, quoad vivam, maximam, a quibus tam abest ut separari cupiam, ut simul magis mori ex animo optem. Vos interim vestro in nos amore pergite. Hoc erit mihi tam gratum, quam quod gratissimum.

Valete.

Ex Schaffhusia, 16. decembris 1534.