[1399]
Autograph: Zürich StA, E II 343, 176 (Siegelspur) Teildruck und zusammenfassende Übersetzung: Blarer BW II 51, Nr. 873
Empfiehlt nochmals Hieronymus [...] von Siena, der später als geplant nach Bern reist, nachdem er 22 Tage bei ihm war. Dankt für den Brief [Nr. 1398] und für die Rücksendung der Akten des Tags zu Schmalkalden. Hofft, daß Bullinger und Bucer miteinander ins Reine kommen, und will diesem auch selbst schreiben. [König] Ferdinand ist in Hagenau; das nach Speyer einberufene [Religionsgespräch] ist wegen einer Seuche dorthin verlegt worden; Aufruf zum Gebet. Grüße.
S. Commendabam tibi nuper Hieronymum hunc Senensem 1 presbyterum exulem idque epistolio, quod Michael 2 Hebreus vester tibi, non dubito, reddidit. Verum iniectae tum illi sunt remorae quaedam, ut nunc primum iter hoc ingredi licuerit. Tu, mi omnibus modis observande Bullingere, homini adesto, ut, qua potest commoditate, Bernam proficiscatur. Mecum fuit 22 diebus, nec quicquam in illo a bono viro alienum deprehendi, ut non dubitem Christo factum, quod in hunc fuerit collocatum 3 , hominem non uno tantum nomine miserum. Nob te vel isto vel quoquam gravare, nisi quantum fiagitat summa necessitas; poteris mox Bernam vel solum aut cum comitibus, si forte fortuna sint aliqui, mittere.
Accepi hoc ipso momento gratissimas literas 4 tuas cum actis Schmalk[aldicis] 5 , nec opus erat tam multis tamque magnifice gratias agere iis, qui toti tui sunt et quibus pro charitatis et authoritatis tuae iure imperare etiam possis.
| Briefe_Vol_10-119 | arpa |
|---|
De Bucero quae scribis 6 , supra modum nos excruciant, nisi quod speramus non porro serpturum, quicquid hoc fuit mali. Nihil huius a quoquam rescire nobis licuit ante eum diem, quo proximum ad te epistolium 7 dedi, nec serum esse puto, si vel nunc in gratiam alter cum altero redeatis, id quod ut fiat, et precabimur assidue dominum et alia quoque concordiae huic conducibilia pro nostra virili tentabimus; cras enim aut perendie ad Bucerum nobis scribendum alias ob caussas fuerit 8 , atque tum istuc quoque bona fide agemus.
Ferdinandus Hagenoae iam est, ubi, quod Spyrae agendum erat, agetur 9 ; nam Spirae lues ista exitialis, quae nunquam fere illic cessat, crudelius solito in aliquos desaevit, quos etiam inclementer ac praeter morem abripuit. Nos, quod vel unum vel praecipuum possumus, dominum precemur, ut omnium utrinque pectora in studium gloriae nominis sui et publice tranquillitatis accendat.
Bene vale, charissime frater et si quis charior charissimo esse potest. Uxorem 10 cum optimis, qui tecum sunt, vins et fratribus accurate et officiosissime saluta. Salutem tibi adscribere iubent nostri. Iterum et aeternum vale.
28. maii anno 1540.
Tuus vere ab intimis pectoribus A. B.
[Adresse auf der Rückseite:] Praestantissimo pietate et eruditione viro d. Heinricho Bullingero, Tiguricensi episcopo, domino ac fratri cum primis observando atque charissimo.
