Sendet [ein Manuskript] zurück. Könnte ein weiter andauerndes Schweigen Bullingers angesichts der Bestrebungen zur Erneuerung des Arianismus bzw. der Irrlehre Servets nur schwer verstehen. Behält den Brief an Grynäus bis zu dessen Rückkehr bei sich. Weiß nicht, was Bucer in Augsburg will. Befürchtet, daß der Streit in der Berner Kirche schlimme Folgen haben könnte.

Ecce tibi, mi Bullingere, quae olim miseras 1 . Visum est enim praestare, ut librum apud te seu Froschouuerum expleant, quam ut pereant apud me. Vix fieri potest enim, ut non usui sint aliquo descriptori.

Caeterum, quod nihil scribis, tametsi miror, invenio tamen, quo hactenus te excusarim. Si perrexeris, tu videto, quam causam excogites silentii. Tempora sunt, quibus tacere ratione tali bonis viris et populi christiani ducibus non convenit. Si Arianismum isti reducere conantur, uti coepisse audio, 2 , vel potius Serveti Hispani pessimum errorem confirmare, erit, quod agant viri docti. Quamvis vero sciam propter meam parvitatem hic nihil futurum mihi b negocii, scribendo tamen monere seu hortari seu narrare quid possem, quod ad rem foret forsitan c aliqua ratione.

Literas Grynaei iamdum retineo apud me, quas, inquam, tu scripsisti 3 , et bona fide retineo usque in adventum eius; speramus post dies octo vel decem rediturum ⁴ .

Bucerus ab Augustanis vocatus nunc apud eos est ⁵ . Nescio, quid rei sit.

Fratrum Bernensium dissidium ⁶ dabit malum aliquando ecclesiae tam grandi et egregiae. Vae zizaniarum seminatori ⁷ ! Videbis olim, quem finem dominus contentiosis parant ingeniis. Deus spiritu sancto suo corda nostra, quaesumus, illuminet!

Vale cum tuis et fratribus.

Ipso die pentecostes mox ante concionem vespertinam, Basileae anno 37.

Myconius tuus.

[Adresse auf der Rückseite:] Domino Heinricho Bullingero, antistiti Tigurinorum, domino colendissimo suo.