[956]
Autograph a : Zürich StA, E II 336, 160 (neu: 179)(Siegel) Ungedruckt
[Die Pfarrer von Basel]haben Leo [Jud]geantwortet und eine Kopie ihres Schreibens an die Berner beigelegt; Myconius mißbilligt deren Absicht, Bucers Schriften verbieten zu lassen, aufs schärfste, obwohl er selbst Grund hätte, sich über dessen "Retraktation" zu beklagen. Schickt eine Abschrift des [Straßburger] Gutachtens [zu den Traktanden des Tags zu Schmalkalden]. Hält Bullingers Kritik an Zwicks Vorschlag [einer bedingten Annahme des Augsburger Bekenntnisses]für ungerechtfertigt. Bittet ihn, mäßigend auf die Amtsbrüder [in Bern] einzuwirken.
S. Leo scripsit fratribus, quamobrem ei responsum est ab eisdem 1 . Puto, quod et tibi, quae scripsimus, sit praelecturus. Adiecimus, quae misimus proprio nuncio Bernam 2 . Ea causam habent, quod Gaspar 3 nunciavit in hoc se esse, ut libri Buceri proscribantur in ditione Bernensi. Equidem nihil miserabilius unquam audivi. Si sic animus eorum habet, fratrum inquam, non senatus, ad insaniam ipsos arbitror redactos. Adiuvet nos dominus deus, ne sinat viros hactenus evangelicos ita dementari. Non est, qui posset magis conqueri de Buceri Retractatione 4 quam ego, quod adtinet ad Zvinglium, ad Epistolare 5 et ad clancularia quaedam illic tractata. Absit vero, ut propter ea vel movear, taceo conquerar, dum, quae reliqua sunt, ad veritatem tendunt concordiae. Quid enim illic est, quod confessio nostra 6 non habeat aut quod nobis non proposuerit? Et in quod nos non consenserimus, etiam non temere. Verum de his alias.
Consultationem 7 mitto, quam Gastius meus descripsit sibi. Vides enim, quam haec pertineant ad libellum 8 . Quocirca cave, ne b vel macula adspergas vel, dum remittis (quod brevi faciendum), non tuto committas. Mihi enim, quod peccasses, foret pensandum.
Briefe_Vol_07_078 | arpa |
---|
De consilio Zviccii 9 peto, ut melius deliberes; erras enim toto coelo 10 , si sic pergere volueris. Hanc libertatem videbis aliquando, quam habeat rationem videlicet. Interim boni consule.
Quaeso te, mi Bullingere, ne sinas, quod in te est, fratres tuos sic rapi adfectibus. Veritas, veritas nos ducat, adfectus abeant, quo digni sunt.
Vale semper cum tuis. Pluribus non potui.
Basileae, 24. februarii anno 37.
Tuus Myconius.
[Adresse auf der Rückseite:] Domino Heinricho Bullingero, in domino charissimo suo.