Heinrich-Bullinger-Briefwechseledition, Universität Zürich © Heinrich Bullinger-Stiftung Arpa Bibliothek Textbreite Schriftgröße

[130]

Berchtold Haller an
Bullinger
Bern,
8. September [1532]

Autograph: Zürich StA, E II 360,51. Siegelspur. —Ungedruckt

Haller benützt die Gelegenheit von Simlers Reise nach Zürich zum Briefschreiben. Er lobt Bullingers Kommentar zum Hebräerbrief und berichtet über Megander. Bullinger soll den Druck der Akten des Täufergesprächs von Zofingen überwachen und vorantreiben, sowie für deren Übersendung nach Bern besorgt sein. Für seine Predigten über den Römerbrief wünscht er sich Bullingers Auslegung, hofft auf dessen Besuch und bittet um Nachrichten. Grüße.

S. Tametsi Simlerus 1 noster certissime omnia referre possit, charissime Heinrice, quae de nostrarum rerum statu desideras, nolui tamen vacuus ad te veniret, quo perpetuos mei in te amoris testes habeas.

Vidi, quae in Epistolam Hebreorum a doctis temporum nostrorum ferme omnibus neglectam edideris 2 . Placet studium hoc et quidem absolutum, quod in sacris habes. Placet charitas, qua donis a domino tibi datis foenorari 3 proximis omnibus velle videris. Placet laconismus et is ad sensus genuini scopum absolutissimus. Dominus tibi vitam, ocium et prae omnibus spiritum tribuat, quo in aliis quoque bibliorum libris reipublicae christianae commodare possis. Tribuat etiam, ut quae a domino habes, illi accaepta referas, ne usquam extra te feraris in quantulamcunque ambitionis notam. Gloria te manet perpetua, qua te dignum illustrabit, cuius dono hec praestas, ubi solius illius gloriae studueris.

Ceterum Megander optima de vobis omnibus retulit 4 , quod maxime me exhilaravit. Spero de homine in dies meliora. At quid de conditione sua, quam apud vos adhuc habet, egerit, nondum communicavit. Male audit apud aliquos nostratum, quasi utramque sellam sibi paraverit 5 . Si quid habes, quo hominem excusare liceat, mone.

Proinde age acta Zofingae 6 , quam primum excusa fuerint, ad nos veniant magistratus sumptu; nam catabaptistarum fex ad mentiendum et imponendum instructissima augetur in dies, et qui in agro facile illorum trichis moventur, quottidie clamant procrastinationem illam indicium esse certissimum veritatem a catabaptistarum parte esse. Urge igitur typographos, ne excusa diutius delitescant et negligamur. Optarem utique te omnia iudicio perpendisse, ut ubi ubi erratum esset, alia via resarciretur 7 .

Tandem, ut sepe abs te petii, si quid superesset, quod congessisses in Epistolam ad Romanos 8 , communicares. Trado eam pro contionibus, et quamvis iudicium habeam,

1 Gemeint ist wahrscheinlich der Berner Heinrich Simler (s. HBBW I 215f, Anm. 56), eventuell Peter Simler.
2 Zu Bullingers Hebräerbrief-Kommentar (HBBibI I 38) s. noch oben S. 167, Anm. 6 und Nr. 124.
3 Vgl. Mt 25,14-30 par.
4 Kaspar Megander kam kurz vorher von Zürich nach Bern zurück, vgl. oben S. 171,1.
5 Vgl. Otto 316, Nr. 1621. — Gemeint ist die etwas zweideutige Lage Meganders in Bern: er fühlte sich als Zürcher und hielt sich die
Wege für eine Rückkehr nach Zürich offen, was ihm dann bei seiner Entlassung aus Bern 1537 zugute kam.
6 Akten der Täuferdisputation von Zofingen, 1532 (HBBibI I 701); zur Disputation s. oben S. 127, Anm. 4 und S. 167,14-168,24.
7 Zu Bullingers Mitwirkung vgl. Fast 37, bes. Anm. 168.
8 Bullingers Römerbrief-Kommentar, Haller gewidmet, erschien im Februar 1533, s. HBD 22,18f und HBBibI I 42.


Briefe_Vol_02_0235arpa
tamen ita mihi non sum addictus, quin ad summum desiderem tuum maxime iudicium audire. Occurrit proxima contione locus de conscientia accusante et excusante 9 in die domini tractandus. Quem cum forte pro modulo spiritus mei absolverim, tamen ego in multis adhuc de conscientia haesito. Intelligo conscientiam legem intellectam aut naturae legem cordibus nostris insitam 10 atque iis iudicari et contestari, quae bona sunt et quae mala. Caeterum, unde sit, quod conscientia reddatur uni lata, alteri arcta, quibusve causis erronea, ut absolute non potui praestare, ita cum silentio praeterii a te pendens, ut quemadmodum in omnibus, ita et hac in re iudicium tuum describas. Tam importunum tibi amicum tua collegisti humanitate.

Postremo obsecro, me semper commendato ad vota utere, nec paeniteat te mihi aliquando operam praestare, qui absque praecaeptoribus viva voce docentibus omnia iuxta domini bonam voluntatem utcumque peregi. O utinam hunc viverem diem, quo tua praesentia refocillaretur caro mea, hoc est affectus ille, quem iuxta spiritum et carnem et totus erga te habeo. Et utinam quam secretissime ad me venire posses 11 , quo te nemo resciret, quousque ad aliquantulam saturitatem tibi locutus essem.

Vale, animae meae pars non minima 12 .

Bernae, 8. septembris.

De rebus publicis penitus nihil habeo. Quid Zuickius apud vos egerit 13 et de turcico apud vos feratur bello 14 , vel verbo indica.

Salva sit familia tua, Pellicanus, quem opere suo pergere vellem, quod fratres agri nostri linguarum inscii maxime desiderent, Leo 15 , Carolstadius, quem tibi comitem vellem -sed fiat, ut tu vis -, reliquosque omnes nostra salutatione non neglectos velim. Ora pro me dominum.

Tuum minimum nummisma,

ad obsequia quaevis addictissimum.

[Adresse auf der Rückseite:] An Meister Heinrich Bullinger, praedicanten ze Zürich, sinen insunders geliepten bruder.

9 Röm 2,15.
10 Vgl. Röm 2,14; zur ganzen Frage s. HBBW I 69,6-28 und Anm. 13, mit Lit.
11 Zu Bullingers geplantem Besuch s. oben S. 167,12f und 171,10-13.
12 Vgl. Otto 26, Nr. 111.
13 Über den Besuch von Johannes Zwick in Zürich gegen Ende September 1532 s. unten S. 244, Anm. 3.
14 Vgl. oben S. 161.
15 Leo Jud.