[1410]

Autographa: Zürich StA, E II 336, 35r. -v. (neu: 48r. -v.)(Siegelabdruck) Ungedruckt

Über die bei Myconius wohnenden Zürcher Studenten kann dieser selbst besser Auskunft geben. Zählt die in Basel angebotenen Vorlesungen auf Seine eigene Vorlesung besucht nur ein einziger Zürcher; die übrigen ziehen vielleicht das Selbststudium vor. Bei den Medizinern kommen Unterbrechungen des Lehrbetriebs häufig vor; er selbst versucht die wenigen Ausfälle zu kompensieren. Vom Tag zu Hagenau können andere mehr berichten.

S. Quod me hortaris 1 , doctissime Bullingere, ut de puerorum vestrorum apud Myconium iam agentium ² studiis deque publicis etiam lectionibus nostris ad te certi aliquid scribam, libenter certe facerem, nisi vel odiosum esset de aliorum vel neglectu vel etiam diligentia nimis curiose inquirere, eorum dico, quorum cura sit aliis commissa, vel si per privatas etiam occupationes mihi, quid ab aliis agatur, inspicere atque observare liberum esset. Itaque, quas lectiones vel audiant vel non audiant, affirmare citius ac venus ignorare me quam scire possim. Puto autem Myconium, eorum hospitem, nequaquam ipsos negligere.

Alioqui certe lectiones publicae sunt satis multae: In dialecticis quotidie praelegit Hieronymus Rhetus ³ , in iure Amerbachius, in philosophia Aristotelica Gemusaeus, in oratoria sive Ciceronis orationibus Affinius ⁴ , in mathematicis Vitus ⁵ , in Hebraicis Monsterus ⁶ , in Graecis ego, in theologia Carolstadius et Grynaeus alternis septimanis. Taceo lectiones paedagogii, quas omnium minime cessare arbitror.

De mea possum dicere puerorum vestrorum unum tantum adesse ei interdum solere, et ita facilis alioqui est autor, quem praelegimus, ut privato studio assequi facillime possint neque interprete forte alio aut viva enarrantis voce habere opus videantur. Forsitan autem domi privatis studiis, qui fere Tigurinorum hactenus apud nos degentium mos fuit, plus se proficere quam

gest. 1541, aus Uri, immatrikulierte sich 1538 an der Basler Universität und wurde 1540 Professor für Rhetorik, Dekan der Artistenfakultät sowie Corregens des Augustinerkollegs. —Lit.: Basel, Matrikel II 18, Nr. 30; Rudolf Thommen, Geschichte der Universität Basel 1532-1632, Basel 1889, S. 355f, Nr. 11.

Briefe_Vol_10-138	arpa

---

audiendis aliis posse putant. ||35v. Quicquid est, dicere certo nec possum nec, si possem, libenter in alterius messern falcem immittere meam vellem ⁷ .

De cessatione item aliorum professorum nihil affirmare certi queo, nisi solorum medicorum, quibus a praelectionibus abstinere, cum duo ⁸ tamen sint, ita b frequens est ut nihil magis. Ego toto hoc anno non cessavi quam eo tempore, quo et apud vos fui, et nunc per octo dies, dum Hagenoam essem profectus, pro qua neglectione totum iam mensem, quo alioqui quiescere etiam acaderniae privilegio licebat ⁹ , lectionem meam continuo, nempe quia summo mane minus nobis infestus esse calor ille 10 potest.

Haec habui, doctissime atque humanissime Bullingere, quae super interrogatis tuis subito c nimisque tumultuanter responderem. Tu igitur animum potius aestima tibi ac vestris omnibus deditissimum.

Vale meque redamare, ut facis, perge.

Basileae, 22. iulii 1540.

loan. Oporinus tuus. De rebus Hagenoicis melius ex Quirino ¹¹ intelliges et amicorum literis; nam ego, quod vel narratione dignum sit, nihil vidi.

[Adresse darunter:] Domino Henrico Bullingero, amico et fratri charissimo suo.