[1408]

Autograph: Zürich StA, E II 343, 168 (Siegelspur) Ungedruckt

Aus Hagenau wird berichtet, [König] Ferdinand werde zum Krieg gegen die Protestanten gedrängt; die Pfaffen hätten sich über deren vermeintliche Zwietracht gefreut, als sich Gesandte aus Basel nicht zu den Delegierten der [evangelischen] Städte gesellten, doch habe man den falschen Eindruck sofort korrigiert. Auch Äußerungen von [Johannes]Fabri belegen, daß die Bischöfe auf Krieg bedacht sind und daß es die Uneinigkeit im evangelischen Lager ist, die sie stark macht; wer sich jetzt den Bemühungen um Einigung und Gegenwehr verschließt, kann kaum als Christ bezeichnet werden. Genauere Nachrichten stehen noch aus; auch die Türken führen wieder Krieg. Das Gezänk der Theologen ist nicht nur dumm, sondern gottlos.

S. Rediit vir quidam bonus ¹ ex comitiis Haganoensibus ² . Is primo dixit sic Ferdinandum urgeri ad nos excindendos, ut veritus fuerit aliquamdiu bellum

Briefe_Vol_10-134	arpa

---

inceptum, priusquam redire posset domum. Deinde legatos nostros (quos domini miserunt ob suas causas ³ ), quia non se adiunxerint diebus aliquot legatis civitatum, sermonem inter pfaffos excitasse, quod dissensio sit inter ipsos, unde minim, quam sint gavisi et pertinaciores effecti in suo proposito. Venit is rumor ad nostros; hi protinus inter coenandum obruerunt Constantienses 4 et qui cum eis erant, et apud eos coenati sunt tanto gaudio, ut iucundum sit audire. Postero die nostri invitarunt Constantienses et reliquos, ut decem et novem legati convenerint. Tunc vero gaudium pfafforum non parum imminutum est. Interea venerunt legati a Saxone et Hesso ⁵ , et apud nostros omnes gaudium exortum est, verum parum bonae spei; tam fortes sunt et tam multi episcopi.

Fuerunt hic pridie, quam haec scriberem, viii quidam docti, e quibus unus ⁶ dixit in aurem mihi Camerarium ⁷ Tubingensem narrasse, dum Faber ⁸ ad comitia venerit, venisse cum bono quodam viro in colloquium. Hunc inter alia dixisse: "Mirabilis erit disputatio; nam sunt viii certe ab evangelio stantes docti et adprime armati scripturis, ut non sint facile cessuri." Tum Fabrum respondisse: "Es darff ⁹ nit vil disputierens; es muß mit einr kalten klingen usgericht werden."¹⁰ Haec deinceps sunt mihi confirmata, ut non possit esse dubium episcopos nihil nisi bellum moliri. Dum igitur ad superiora respicio, non possum non revocare in memoriam, quod postremo vobis scripsi 11 simul famam tantum de vestro, id est Helvetiorum adventu perterrefacere potuisse adversarios; non habent enim, quod eos reddat pertinaciores quam dissidium nostrum. Et dum hoc tempore nonnihil de nostro omnium concordia foret dictum, ut aliquid spei in speciem reliquum a haberent, dixit Faber: "O concordiam; ficta est, nihil igitur timemus." Ex quibus certum est, quod dixi, dissidium nostrum illos reddere fortes. Vehim, ut consultatio

Alexander von der Tann, Rudolf Schenk zu Schweinsberg, Johann Fischer (gen. Walther) und Georg Nußpicker entsandte; s. ADRG I/1 356 u. ö.

Briefe_Vol_10-135	arpa

---

fieret et de concordia et de obviando malis, quae imminent. Equidem pro christianis vix habeo, qui in consultando non sunt hic diligentissimi et providentissimi.

Possem multa adhuc adiicere, si non certiora expectarem. Turca ¹² certissime damnum grave intulit et bellum instauravit ¹³ .

Vale cum tuis. Equidem insanio, dum cogito doctorum in dissidendo, non dico stulticiam, non amentiam, sed ipsissimam impietatem. Dominus det spem concordiae.

Basileae, raptim, 4. iulii anno 40.

Os. Myconius

tuus.

[Adresse auf der Rückseite:] Domino Heinricho Bullingero suo in domino. Z [ü]rich b .