Konnte durch Adam Frey erst kurz berichten [Nr. 1310]. Entgegen seiner Hoffnung hat sich die Unruhe während seiner Abwesenheit verschärft, und nun sieht er sich mit Markus [Bertschi], Grynäus und andern Wohlmeinenden schwerer Anfeindung ausgesetzt, hinter der Karlstadt steht; wenn die Zürcher diesen nicht zurückrufen, wird er die Basler Kirche ins Verderben stürzen, zur Freude aller Gegner der Pfarrer, die er mit seiner Lauheit für sich einnimmt. Dieser Brief soll verbrannt werden.

S. Scripsi per Adam Phrygium 1 ut , potui. Putaram, si paulisper abessem ² , rem omnem interea sedan, verum ubi redii, turbulentiora reperi omnia ³ . Conatus sum privata querela per capita summa ⁴ rebus subvenire et huc incidi, ut pericliter de fama, nec ego solus, sed mecum Marcus et Grynaeus ⁵ . De his neminem audeo convenire, apud neminem conqueri; apud quos audeo, iacent nobiscum. Optimi quique e summatibus in eodem sunt periculo. Ille, quo nihil urbs habet sanctius, vereor, dolore consummatur ⁶ . Haec, nescis quanto timore, ad te; tot habet enim cacodaemones Carolstadius, ut resciat omnia. Hic est dux omnis perditionis. O deus, quanta pernicies; quanto malo per me liberati estis, dum a vobis diabolum huc pertraxi contra bonorum voluntatem ⁷ . Vester adhuc est; revocate, ut interitus omnis boni tollatur. Utuntur isto malo, qui nobis et evangelio ob unam parrhisiam ⁸ male volunt. Is sinit, quo est ingenio, se duci, quamobrem nomen habet optimi, doctissimi, imo servatoris scholae et evangelii ac a titulum, cum contra sit talis, qualem nusquam non accusat Wittenberga. Ut intelligas, undenam laus illi: Vocatur benignus et dulciloquus, qui neminem corripiat, latt ⁹ jederman bliben et brevis est in concionando et demum vult nos obpressos magno adplausu hostium nostrorum, id est eorum, qui non possunt ferre salem et lucem evangelicam 10 Audiunt . ipsum anabaptistae, papistae, fex totius civitatis, male evangelici, hoc est, qui fidem sibi fingunt sine operum fructibus placere deo, et quicquid est huius generis. Et multi, qui neminem audiunt e nobis, illum laudant tamen, quod nobis obsistat. Sed quid fit? Quicquid impie patrat, nobis, si dus placet, imputatur, ita ut libenter pro seditiosis accusarent. Summa: Malum in singula momenta expectamus. "Abite", inquis. Non licet; ita sumus conclusi. "Quo?" Dicere non ausim. "Cave", putes, "odium aliquid dictare." Dolor est; nam contra me quae agit, continere per gratiam domini possum, at quae contra ecclesiam, haud dissimulare. His lectis omnia dabis Vulcano; nam servata malum ferent.

Vale cum tuis et nobiscum doleto dominum instanter pro nobis orans.

Basileae, raptim, 4. octobris anno 39.

Tuus Myconius.

[Adresse auf der Rückseite:] Domino Heinricho Bullingero suo.