Wünscht der mit Bucer und Luther erzielten Übereinkunft Bestand. Dankt Bullinger für die Unterstützung, die er [Sigmund?] von Landenberg gewährt hat; seine eigenen Bemühungen zugunsten von [Hans] Kotter waren erfolgreich. Sendet die Akten [der Zürcher Tagung] mit Dank zurück. Grüße.

Salus et pax Christi.

Ergo constituta est pax inter vos et Bucerum adeoque Lutherum ipsum 1 . Quod felix et faustum sit, atque utinam sic contentionis finis sit! Faxit quoque noster Christus, ut, quae dantur et recipiuntur, solida sint et firma, quo ipsa etiam concordia solida sit et firma. Ego omnino spero Bucerum a vos posthac non turbaturos.

Quod Landenbergium ² iuveris, gratissimum mihi est; audio enim omnia illum obtinuisse. Egit autem multas gratias mihi et tales, ut intelligam illum victoriam hanc meae commendationi et tuae sedulitati tribuere. Quam ego vicissim diligentiam praestiterim Cotteri ³ nomine, ipse referet. Successit feliciter; domino sint gratiae multae.

Leonem ⁴ quoque exhilara hoc nuntio. Et vale in Christo; nam plura non possum. Confessionem et reliqua acta ⁵ remitto cum gratiarum actione.

Datum Constantiae.

Consul noster Thomas ⁶ iubet te salutare millies. Occupatissimus est, alioqui et b ipse aliquid respondisset.

Pellicanum meo nomine saluta.

27. maii 1538.

Tuus Io. Zvick.

[Adresse auf der Rückseite:] Domino Hainricho Bullingero. ecclesiae Tigurinae antistiti, suo in domino charissimo fratri.