[1117]

Autograph: Zürich StA, E II 366, 308r.-v. (Siegelspur) Ungedruckt

Für Beat [Gering]konnte eine Arbeitsstelle beim Drucker Herwagen gefunden werden. Nachdem Neider dafür sorgten, daß Hospinian sein neues Amt [als Leiter des Pädagogiums]wieder verlor, zieht er es nun vor, für die Drucker zu arbeiten, statt [als Lehrer] am Kollegium zu bleiben.

S. Quod tibi iucundissimum esse puto, clarissime vir Bullingere, invenimus heic domino Beato 1 , communi nostro amico et fratri, satis amplam conditionem , si praesentem rerum statum consideres, idque apud Hervagium typographum, a virum longe humanissimum.

Caeterum, quod ad rerum mearum statum attinet, de quo pro singulari tua in me benevolentia aliquid scire cupis - sic enim mihi retulit nobilis ille Anglus, quem nosti ² -, sic accipe tribus verbis ³ : Abunde felix hic ad tempus fueram futurus, si per malevolos quosdam licuisset. Praefecerunt me Basileienses haud ita pridem pueris, qui publico hic stipendio foventur, instituendis 4 , qua conditione racionibus meis provisum b fuisset luculenter. Verum eam fortunam quidam mihi invidentes hoc calumniis et nescio quibus praeterea malis artibus effecerunt, ut conditione illa denuo sim exclusus. Verumtamen bene habet; praestat enim omnino greek greek greek ⁵ , neque infelix est, qui patitur, sed qui facit iniuriam, tum autem nihil mali accidere potest innocentia incolumi. Sic tamen, ut ingenue fatear, haec res animum commovit meum, ut operam meam typographis condixerim, satius esse ratus hanc quoque tentare conditionem quam haerere diutius in collegio ⁶ ibique rem perdere pariter et officium, id quod facere hactenus sum coactus, fretus simul illustrium virorum exemplo, qui vilissimas etiam res obeuntes in literis tamen ad celebritatem usque profecerunt. Interim me, vir optime, sic cum iniqua fortuna colluctantem solito favore tuo, quaeso, ne destitueris. Ego vicissim in hoc omni nisu incumbam adeoque ||308v. efficiam, ut in gratum ista tua beneficia collocasse aliquando intelligas. Haec ad te paucis, ne videlicet

verlassen hatten; vgl. HBBW VII, Nr. 1061.

Briefe_Vol_08-116	arpa

---

gratiam, quam tacendo hactenus minimeque te gravioribus occupatum curis interpellando promeruisse mihi videor, importuna nunc odiosaque mea garrulitate corrumpam.

Bene vale cum tuis omnibus meque, quod iam pridem facis, tibi commendatum habe.

Basileae, 28. martii anno 38.

L. Hospinianus tuus.

[Adresse darunter:] Eximia pietate ac doctrina viro d. Henrycho Bullingero, ecclesiae Tigurinae antistiti, domino ac patrono suo plurimum observando.