Zweifelt daran, daß die scharfe Antwort, die Leo [Jud]auf den gemeinsamen Brief der Basler Pfarrer an Grynäus gerichtet hat, von Juds Kollegen mitgetragen wird; wenn die in der Sorge um den Zustand der Kirche gründende Mahnung, Bucer gerecht zu beurteilen, so unfreundlich aufgenommen wird, bleibt nichts mehr zu schreiben. Schickt den Brief; den Luther an den Bürgermeister [Jakob Meyer] gesandt hat; glaubt, daß man Luther ohne Gefahr vertrauen kann.

S. Fratres scripserunt Leoni adeoque vobis 1 , Leo respondet d. Grynaeo 2 , non fratribus, quod aequi bonique consulimus, non quod fratres me excepto literas legerint, sed quod acceperunt Grynaeo responsum ad literas, quas communiter miserimus. Miror ego, numquid vestro consilio tam ferventer scribere sit iussus Leo. Aeque nos taxat atque Bucerum, qui tamen non, quod ipse dicit, praeripere vobis iudicium volumus de Buceri scriptis; sed ne, si is aberravit, nos propterea negligamus ecclesiae statum incolumem, quod fieri videtur, dum illi non satis aequi esse videmini. Adfectu posito, qui et me nonnunquam abripit trahitque adversus Bucerum, non video alias caeculus, ubinam tantum patrarit peccatum, quod non propter labores, propter diligentiam, propter animum erga nos amicum et propter concordiam ecclesiasticam firmam et veram condonandum foret. Per me abundet quisque in sensu suo ³ ; nam postquam Leo scribit: "Feremus Bucerum; tantum non cogite, ut subscribamus, tantum ne tot literis irritetis patientiam nostram" - et nobis tamen nihil tale in mentem venit; nam utrum cogere an fraterne monere voluerimus, literae nostrae satis, puto, testantur. Deinde, quod non sustinet irritari patientiam vestram nostris literis, quos placare, non irritare tentavimus et ob id scribendi munus Grynaeo dederamus, ne ineptus ego peccarem alicubi - postquam ita scribit, inquam, et literas fraternas non aliter accipit et vos in eadem sententia consistitis, equidem a scribendo vel de hac re vel de aliis facile supersederem. Verum adhuc in hoc sum, ut eius literas non putem esse communes; fratres enim, qui vere fratres sunt, non ita decet alloqui fratrum a quenquam. Haec tibi uni, tibi inquam uni, quamvis paucula.

Mitto Lutheri epistolam ad consulem nostrum ⁴ . Iudicabis. Mihi placet per omnia, et homini fido; praesertim, cum id liceat sine nostro periculo. Si fallet, non nos, sed seipsum fallet.

Vale.

Raptim, Basileae, 14. martii anno 37.

Tuus Myconius.

[Adresse auf der Rückseite:] Domino Heinricho Bullingero, episcopo Tigurino vigilantissimo, fratri in domino suo.