[355]
Autograph: Zürich StA, E II 348, 420r.-v. (Siegelspur) Teildruck: QGT VIII 301f
Hat vergeblich auf Froschauer gewartet. Schickt seine an die Münsterer gerichtete Schrift, die Leo [Jud] lesen soll. Darin äußert er sich auch über das Amt in der Kirche, das einzige Thema, bei dem er vielleicht anders nuanciert als der Zürcher Katechismus. In Straßburg werden Soldaten rekrutiert. Capito ist krank. Grüße, auch von Matthäus [Zell] und [Jakob]Bedrot.
Fratres et symmystae observandi, gratia et pax.
Expectabam Froschoverum, sed illum negocia sua et vecturae commoditas nobis abripuit 2 . Mitto hic, quae scripsimus Monasteriensibus 3 . Ea, si vacat, legat Leo 4 noster. Patientis enim stomachi est. Ut cupiam salva puritate fidei in Christum ministerium ecclesiae suis, hoc est a domino ipso et apostolis usurpatis verbis commendari, hic legetis 5 . Idque unum est, quod videri queam a vestro cathechismo variare 6 . Movet me, quod cottidie experior, quam necessarium sit esse sacram politiam, eoque et sarci[ri] ministerio suam authoritatem. Corpus domini simus oportet, quod per actum cuiusque membrorum, qui cuique est secundum suam portionem, instauratur 7 . Liber est ut omnia nostra hic non excusus, sed confusus, quanquam hic typographus 8 sic deposuerit rudimenta artis 9 . Si non legere, coniicere tamen poteritis, quae volumus. Quibus ea scripsimus, in exemplum inciderunt Vaitzhudianorum 10 , nisi quod exules adhuc avertere excidium moliuntur.
Delectus hic habetur 11 et, ut audimus, nusquam alibi. Quo miles erupturus sit, nescitur. Coniecturae sunt variae, suspicio forsan potior, quae facit ad votum Wolfgangi 12 boni senis, qui in synodo 13 aderat 14 . Dominus omnia bene vertat. Impeti nos quam impetere semper mallem.
Optime valete. || 420v. Comendate nos toti choro symmystarum illic. Pro Capitone orate graviter luctante cum febri sesquitertiana 15 . Matthaeus 16 vos salutat officiose et Bedrotus.
Argentorati, 14. aprilis.
M. Bucerus tuus,
vester totus, totus, quantus est.
[Adresse darunter:] Piis ac vigilantibus Christi ministris Heylrycho Bullingero et Leoni Iudae, fratribus colendis.