[354]

Freut sich, daß die Gefahr, wovor er die Zürcher gewarnt hatte, sich doch nicht bewahrheitet habe. Trotzdem kann er den V Orten nicht trauen und mahnt zu weiterer Wachsamkeit. Ein Brief aus Innsbruck und auch andere Berichte oder Gerüchte sprechen von Kriegsgefahr; in Basel bringen die Bauern ihre Ernte in Sicherheit. Man ist gegen Mönche und Abte usw. sehr aufgebracht. Myconius befürchtet großes Übel und hofft auf Gottes Hilfe.

S. Nonnihil gaudeo, quod nuncii vestri referunt nihil esse, de quibus nos admonuimus ¹ «Nonnihil» . dico, quia praesens tantum facies aliquid tranquillitatis adtulit cordi meo, interim tamen nemo mihi eximet iam olim conceptam de Pagis ² perfidiam, quoad in deo nobiscum non consenserint. Quocirca firmum est apud me, quod misimus ³ : sic esse in consiliis illorum nihilque deesse praeter occasionem res bene gerendi. Videndum igitur, ut contra tales simus parati, quandocunque tandem erumpant, ne imparatos nos ut olim ⁴ opprimant. De literis ex Oeniponte ⁵ nihil certius. Cur ita scripserit, si nugae sunt, equidem nescio.

Armis et variis rumoribus circa nos omnia plaena. Incipiunt ruricolae vicini conducere apud nos cellaria et horrea, ubi collocent vina frumentaque, si hostes ingruerint.

Minae sunt ingentes contra monachos, abbates et contra reliquos huius generis magnos. Vident nobiles, bona maiorum suorum quam impie consumantur, et tedio adficiuntur. Calamitates video magnas et multas. Qui eas arcere potest, vivit: Largiatur idem, ut et nos vivamus cum ipso ⁶ .

Vale felix cum tuis et Utingero. Basileae, 10. aprilis anno 34.

Os. Myconius tuus.

[Adresse auf der Rückseite:] Domino Heinr. Bullingero suo.