[1894]
Autograph: Zürich StA, E II 345, 247 (Siegelspur) Ungedruckt
Hat Bullingers Schrift gegen Cochläus [,,Ad Ioannis Cochlei De canonicae scripturae et
catholicae ecclesiae authoritate libellum ... responsio"] erhalten und das zweite Exemplar an
[Wolfgang]Musculus weitergeleitet, konnte das Buch aber noch nicht lesen; übersendet einen
Brief von Musculus [Nr. 1885]. Da der Bote in Eile ist, muss er die Antwort auf Bullingers
vorausgegangenen Brief aufschieben; Bullinger scheint seiner Abendmahlslehre zu misstrauen.
Gruß von [Martin] Frecht. In Speyer wurden dem Kaiser [Karl V.]Truppen gegen den
französischen [König Franz I.]zugestanden, doch von Frieden für die Lutheraner ist nichts zu
hören; [Herzog Heinrich von]Braunschweig soll auf die Nachricht hin, dass seine Sache vor
alle Reichsstände gebracht werden soll, heimlich abgereist sein; über die Eidgenossen ist
Unterschiedliches zu hören; die Päpstlichen toben, vielleicht weil sie den baldigen Untergang
vor Augen haben. Grüße.
Gratiam et pacem a domino [per Iesum]a Christum.
Accepi libellum contra Cocleum, sathane mancipium, a te scriptum; 1 alterum Musculo 2 misi. De eo, quem michi misisti, ingentes gratias ago; nam illum gratissimo animo accepi, quem etiam avidissime legam; nam hactenus multis ecclesie negotiis occupatus (ut temporis ratio exigebat 3 ) non potui. Musculus mox accepto libello tuo hisce, quas mitto, literis 4 tibi respondet.
Nunctius 5 festinat abitum. Ego enim illum abiturum Tigurum ignoravi; sed meorum negligentia, non nunctii factum est. Scripsissem plura; nam proximis ad me literis 6 nondum, ut statueram, respondi, maxime quod fidem meam attinet de negotio eucharistiae. 7 Vereor enim te sinistram de me suspitionem concepisse. Sed de his proxime uberius.
Frechtus meus te multis nominibus salutat.
Comitia Spirensia nondum finita sunt. 8 Imperii status b consenserunt in petitionem caesaris 9 de administrando milite contra Gallum 10 , sed de pace in Lutheranos nichil dum audio. Brunzwintzensem[!]11 aiunt clam abiisse, ubi audivit causam suam coram omnibus inperii[!] statibus agitari. 12 De Helvetiis tuis varii varia dicunt. Pontificii, sathane mancipia, mirum in modum insaniunt; fortasse regnum suum brevi interitum olfaciunt.
Ego cum uxore 13 et liberis 14 valeo. Uxor mea te cumprimis cum coniuge tua 15 simul ac pignoribus 16 sanctis salutat. Dominus noster Iesus Christus te diu nobis c et ecclesie sue conservet incolumem. Vale et Christo vive.
Datae Memminge, 16. aprilis anno 1544.
Gervasius tuus Schuler.
[Adresse auf der Rückseite:] Ornatissimo viro Heynricho Bullingero, Tigurinae ecclesiae antistiti vigilantissimo, domino et fratri in Christo charissimo.