[1319]
Autograph: Zürich StA, E II 361, 116 (Siegelspur) Ungedruckt
Kann nur ganz kurz berichten: Hat [in Worms] das [evangelische] Abendmahl eingeführt, nachdem mehrere Ratsherren, die dies bisher verhindert hatten, an der Pest gestorben sind; weiß allerdings nicht, was die Gegner nun planen. Bittet um Fürbitte und ermuntert Bullinger zu weiteren Veröffentlichungen. Will bald wieder schreiben.
Salutem tibi per Christum precor, doctissime simulac charissime Heinrice.
Cum nuncius 2 iste mihi contingeret, volui multa ad te scribere. Att[!] soli mihi tot incumbunt onera tam domestica quam ecclesiastica, ut vix hiscere detur. Ne tamen nihil ad te, unicum id te scire volo.
Quando tot annis euangelion Christi praedicaverim ea diligentia, qua per dominum potui, caenam tamen dominicam celebrare per magistratum prohibebatur, donec peste sevissima nos dominus corriperet hisce mensibus, quosdam etiam de tirannis ex senatu auferret 3 , qui hucusque nullum non lapidem moverunt 4 , ne cursus evangelii succederet. Tum ego haud impiger, ita urgente Christo, caenam faelici (ut spero) auspicio ecclesiae meae paravi donaque illa caelestia ad Christi institutionem magno omnium et desiderio et veneratione distribui. Nemo mihi negotium facit. At quia dolum sathane plus semel expertus, verendum est, ne quod in sinu foveant 5 adversarii ac consilium suum satis maturescere proposuerint, antequarn edant.
Rogo igitur per Christum, communem nostrum salvatorem, ut me precibus, fidei et charitati tuorum commendes, ut confirmat[!] hoc deus, quod operatus est in ecclesia mea, quoniam haud absque ingenti offensione omnium mensa illa dominica rursus everteretur, quod equidem non spero. Fac igitur, quod te decet, ac perge semper nobis labores tuos communicare scriptis; plures enim tua opera iuvantur.
Vale, [ex Worma]tia a , in domino, 20. octobris anno 1539.
Leonhartus Fontanus,
verbi minister apud
Vangiones 6 .
Habeo certe seria, quae tibi scribam, sed hodie non vacat; quaeram tamen nuncium, cum quo cetera.
[Adresse darunter:] Clarissimo ac vere b pietatis praeconi viro d. Heinricho Bullingero, praeceptori ac fratri in Christo charissimo [su]o c . Zurch.