[1206]

Hat am 9. Dezember durch Bernhard Setzstab Brief und Stipendium erhalten und dankt dafür. Auch er selbst wundert sich über die Kosten, die ihm in Straßburg entstehen. Ist gerührt darüber, daß ihn Bullinger bei sich aufnehmen will, möchte aber wegen Sturms Dialektikvorlesung bis zur [Frühjahrs-]Messe in Straßburg bleiben und hofft für die Zeit danach auf seinen Rat. Martin Peyer wünscht, daß er ihn nach Wittenberg begleitet; an Otto [Werdmüller] ist zu sehen, welchen Gewinn ein Aufenthalt an dieser blühenden Universität bringt, ohne daß höhere Kosten zu befürchten wären. In Basel könnte er wohl günstiger leben, doch ist der Unterricht dort mangelhaft, und ein längerer Verbleib in Straßburg würde seiner Gesundheit nicht bekommen; nach England geht er besser erst nach einem Aufenthalt in Wittenberg und in Begleitung Peyers, der sich überdies in Wittenberg bereits auskennt. Hofft auf Bullingers Einwilligung und bittet um Antwort bis Weihnachten. Hat mit Freude vernommen, daß die Förderung des Schulwesens in Zürich so ernst genommen wird. Schweigt ungern zu Kritik an Zürich, das man hier für kaiserfreundlich hält; die Straßburger sympathisieren mit Frankreich, nicht aber mit England - vielleicht, weil Bischof [Edward] Fox auf Bucers Briefe nie geantwortet hat; nun soll er gestorben sein. Bucer ist noch nicht aus Wittenberg zurück. Gwalther schickt als Geschenk ein in Blei gegossenes Bildnis von Sturm und schlägt vor, mit Hilfe Reiffensteins eine entsprechende Silbermedaille anfertigen zu lassen. Grüße. Bittet um Weiterleitung eines Briefs von Peyer. Dieser verspricht ihm als Gegenleistung für Unterricht finanzielle Unterstützung; zur Zeit arbeitet er mit ihm Urbanus' Grammatik und Hesiod durch.

Höhere Kosten würden einzig auf der Reise entstehen. Capito grüßt Bullinger und wollte ihm etwas mitteilen, hat aber selbst noch keine zuverlässige Nachricht.

Gratiam et pacem a domino etc.

Venit ad me, pater observantissime, nono decembris die Bernhardus Sezstabius 1 literas ² tuas longe humanissimas ad me ferens simul cum stipendio septem florenorum et dimidii ³ . Pro quibus gratias ago immensas, nec est, quo magis doleam, quam quod condignas gratias nunc referre non licet.

Conquereris una mecum de intollerandis, quos facio, sumptibus, quos etiam ego agnosco et saepenumero miror, qua nam ratione id accidat, quod tam brevi tempore tot nummorum insumo; sed cum inita ratione omnia mecum supputo, invenio ea, quae modo habebam, evanuisse, etiamsi in cassum nihil impendam. Testes citare non vereor eos, quibuscum habito. Domi enim semper lateo nunquam egrediens nisi ad lectiones et conciones publicas. Verum nunc demum re ipsa experior et ictus piscator ⁴ , quod dici solet, sapio haecque didici, quae antea nunquam credidi, quantum scilicet sumptum hi impendere coguntur, qui apud exteros tantum vitae necessaria suo aere comparare instituunt. Nec unquam scivi rem tam fluxilem esse pecuniarum possessionem vix momentaneam. Nihil enim Argentinae gratis invenitur. Nemo erubescit etiam pro re minima aliquid pretii quantumvis magni petere. Sed de his plurimis egi in literis ⁵ per Quirinum ⁶ ad te datis, ut nunc diutius te interturbare opus non sit.

Aedes tuas amicissimas mihi offers paterno plane affectu, nec eloqui possum, quam hoc meum commoverit animum, cum vere hunc patris affectum tanto erga me ardore flagrare video. Spero autem ego me hoc effecturum, ut ad proximas usque Frankfordianas nundinas ⁷ Argentinae manere possim. Cupio enim omnino Sturmio praeceptore dialecticae praecepta addiscere. Quod vero nundinarum tempore mihi consilium daturus sis, expecto. Nunc autem meum tibi consilium apertis verbis detegam, cum omnino nefas existimem quicquam apud te caelare.

Est apud Bedrotum et mensae et cubiculi sotius mihi Martinus Beyer ⁸ , de cuius morum integritate animique candore nil dico; poterit enim haec pluribus describere Melchior Wirzius et Otho ⁹ noster. Hic, inquam, proximis

nundinis Frankfordianis Witembergam petere instituit et me eius comitem esse cuperet. Ego nunc a tuo ore suspensus tuum consilium expecto, quod mihi, ut spero, hac in re minime denegabis. Quantum autem ego meo iuditio possum assequi, optime id ex re mea facere videatur. Nam cum aliorum exempla animi oculis perlustro, invenio plane omnes Witembergae studiosos, qui modo ingenium suum situ corrumpi non passi sunt, non parvam ||2770v. in ea academia studiorum vindemiam fecisse. Declarat hoc Othonis nostri admiranda in iuvene eruditio, quam eiusdem scholae praeceptis summa cum laude assecutus est. Excitat me Philippi 10 indefessa in praelegendo sedulitas et irrequietum studiosos iuvandi studium. Florent enim ibi artium studia ut nusquam magis, viget enim et indies magis magisque excrescit theologiae sincerioris studium. Sumptus vero, quem te maxime horrere non dubito, maior non erit quam in alia Germaniae academia; victum enim annuum octodecim florenis, cubiculum quinque aut sex lectumque duobus aureis comparare possum. Ita sane mihi supputanti ad amussim ¹¹ omnia video sumptus Witembergae nequaquam maiores fore quam alibi. Quare hi mihi minime metuendi videntur.

Basileae quidem viliori pretio forsitan viverem, sed interim minorem multo in studiis proventum faciens. Regnat enim ibi ipsa inconstantia; vix enim aliquem ibi lectorem invenies, qui aut certo tramite pergat aut bene ceptas lectiones continuet. Argentinae diutius post novum ver commorari mihi non modo inutile, sed et pernitiosum puto; vix enim video, quo modo hanc et victus et aeris intemperiem ferre possim. Nec ullum nunc locum conspicere possum, qui et mihi et studiis meis proinde utilis videatur. Angliam quidem adire non incommodum esset, quod sumptus attinet; sed hoc certo scio me multo maiori cum fructu in Anglia versari posse, si antea Witembergae annum unum atque alterum consumens artium et theologiae studio imbutus eam accederem. Tum etiam idem sodalis meus Martinus pollicetur se et mihi in Angliam comitem fore, si nunc eum Witembergam usque comiter. Fuit idem etiam ante Witembergae, cum Otho noster ibidem literis b incumberet, ut iam non periculum sit, ut ego ignotus cum ignoto in urbem peregrinam perveniam; novit enim hic et urbis et scholae statum. doctorum mores et academiae instituta.

Tu nunc, Moecenas ¹² amantissime, omnibus his perpensis tuum mihi indica consilium; spero tamen, quod haec mea diligenter excussa tibi non displicebunt. Cuperet autem Martinus meus simul et ego cito responsum habere, ut ipse res suas certo constituere posset. Quare te rogo, patrone observande, ut nunc ad domini Christi natalitium de his tuum mihi consilium scribas; venient enim tunc temporis aliquot Tigurini ad nos nundinarum ||2771r. gratia, ita ut tune temporis certum ad me nuntium habere possis.

Studia literaria in tanto apud vos honore et augmento esse maxime gaudeo 13 , nec imerito, cum videam foelicissimis Tigurinae iuventutis ingeniis cultores optimos non desse.

Tigurinorum nomine cum nemine contendo, sed invito digito labellum premo ¹⁴ . Sed caesaris gratia eos vos odisse non arbitror, magis vero, quod caesari tam videmini favere; mirum enim est, quam pene omnes gallizent ¹⁵ . Causam deprehendere non possum. Angus parum aut nihil favent, forsitan Phoxei ¹⁶ episcopi causa, qui Bucero toties scribenti ¹⁷ nunquam rescripsit ¹⁸ ; sed is, ut audio, e vivis excessit. Bucerus nondum a Witemberga rediit ¹⁹ , sed indies eum expectamus.

Mitto tibi Ioannis Sturmii fusilem imaginem ²⁰ , quam ut aequi bonique consulas, obsecro. Plumbum mitto, argentum enim non habeo. Sed poterit Ioannes Reyfenstein - nec, ut spero, negabit - ad eius imaginem minoris formae nummum lapide exprimere, quem deinde argento fieri curare poteris.

Tu haec mea aequi bonique consule et haec volitanti calamo scripta amico pectore suscipe. Salutabis nomine meo quam familiarissime uxorem ²¹ et matrem ²² tuam, quae maternum erga me affectum nunquam caelaverunt, omnemque tuam familiam, Theodorum ²³ quoque, Pellicanum et Steinerium, quibus omnibus ego imprecor, ut annus novus foelicibus auspitiis oriatur laetissimisque exeat.