[1889]
Autograph: Zürich StA, E II 356, 938 (Siegelspur) Ungedruckt
Wird nie vergessen, welche Wohltaten ihm Bullinger während seines Aufenthalts in Zürich erwies; erinnert sich dankbar an den freundlichen Empfang für ihn und Johannes [Pincier], an das Vorlesen vertraulicher Briefe, an die Empfehlung, die Bullinger für ihn an Thomas Blarer schrieb, an den freien Zugang, den er ihm gewährte, an die Bücher, die er ihm zum Abschreiben überließ, an den geschenkten Wein, das festliche Mahl und die Abschiedsworte, als er sie aus der Stadt hinaus begleitete. Verweist auf die an [Konrad] Pellikan und [Theodor] Bibliander gerichteten Briefe; Grüße.
Temperare mihi non possum, 2 quin tuae humanitati, omnium humanissime
Bullingere, pro singulis fere tuis in me meritis gratias agam, etsi profecto id
faciam cum pudore. Neque enim tanta necessitudo, quantam tu mihi tecum
intercedere voluisti, requirere videtur gratiarum actionem, neque ego libenter
tuis in me summis beneficiis tam vili orationis defungor munere, ac
mehercule mallem praesens observantia officiorumque assiduitate atque re
etiam, si per fortunae tenuitatem daretur, memorem me tibi ostendere. Amor
enim tuus et iudicium de me utrum mihi plus dignitatis et honoris apud vos
an voluptatis in perpetuum attulerit, non facile divinarim. 3 Utroque certe
istorum factum est, ut non solum abs te, verum etiam ab aliis tui similibus
viris optimis et doctissimis magnis honoribus aucti, beneficiis et officiis
affecti maximis Tyguro postea discesserimus. 4 Atque, ut silentio praeteream,
quae alii te duce vel tuo potissimum excitati exemplo nobis praestiterunt, tua
quaedam in nos merita commemorabo, quo mihi ea memoriae adhuc inhaerere
meae intelligas. Quantae, quaeso, fuit humanitatis et benevolentiae, quod
me ac Ioannem 5 meum nullo nostro merito primum splendi[di]ssimo accepisti
convivio, literas quasdam maximi momenti perlegisti 6 et secreta revelasti
non cuivis alioquin committenda, ac proficiscenti mihi Constantiam
praeter omnem meam expectationem nec rogatus commendatitias dedisti
literas ad optimum et disertissimum virum Thomam Blaurerum, 7 quibus
sane tantum effectum, ut summo ibi honore et beneficiis cumulatus fuerim!Briefe_Vol_14_185 arpa
Quid, quod liberum ad te aditum mihi patefecisti ac familiariter a de rebus
variis mecum b conferre sermones non es gravatus librosque tuos quosdam
communicasti describendos, neque tamen iis omnibus contentus etiam coenam
nostram tua praesentia ac hilaritate exornare, amplo longoque vitro
fragrantissimi vini donare nos dignos censuisti, postremo, ut publico celebri
aut frequenti convivio cohonestaremur, effecisti, Tyguro itinere multo nos
deduxisti sanctissima nos instruens doctrina ac domini misericordiae et gratiae
commendans? Ob eiusmodi tuum erga nos studium, amorem fidemque
summam ago et habeo gratias immortales et agarn, dum vivam; nam relaturum
me pro certo affirmare non possum. Tantis enim officiis et beneficiis
tuis non videor mihi unquam respondere posse, nisi forte ita sensurus es, ut
me referre gratias existimes, dum memoria tenebo. Verumtamen, utut ista
sint, gratificandi profecto tibi nec tempus nec locum facile praetermisero
unquam.
Haec paucis ad te perscribere mihi visum est. Si quae alia ex me cognoscere cupis, dominum Pellicanum, patrem nostrum in domino reverendum, ac dominum Bibliandrum, paeceptorem unice observandum nostrum, rogabis, ut tibi meas ad se literas communicare velint. 8
Vale in domino foeliciter, vir optime, ac boni consule hanc in scribendo rusticitatem meam; titulis te multis haudquaquam delectari scio c , quamobrem iis supersedeo. Salutabis meo nomine quam familiariter totam familiam tuam ac sigillatim et diligenter d. Gesnerum 9 , M. Otthonem 10 ac dominum praepositum 11 , viros bonos et doctos. Iterum vale.
Datae Francofurti, anno a virginis partu 1544, octavo aprilis.
Tuus toto pectore 12 Vigandus Happelius.
[Adresse auf der Rückseite:] Dignissimo et vigilantissimo Tygurinae ecclesiae episcopo domino Heinricho Bullingero, domino et patrono suo plurimum reverendo. Zurich.
