Wird dem von [Johann Jakob] Ammann mitgeteilten Beschluß der Schulverordneten folgen und Basel verlassen; [John] Butler, der wegen der kritischen Entwicklung in England nach Frankfurt reist, wird ihn begleiten, doch darf dies niemand erfahren. Ist verwundert, daß Ammann zu seinem Fürsprecher [bei den Schulverordneten]bestimmt wurde, und betont seine besondere Verbindung mit Bullinger. Größe. Die Sitten der Fraumünsterschüler lassen zu wünschen übrig.

Domino Heinricho Bullingero Rod. Gvaltherus b .

Gratiam et pacem a domino.

Scholarcharum nostrorum decretum, humanissime pater, ex Ammiani literis intellexi 1 . Curabo, ne illorum sententiae immoriger fuisse videar, et quamprimum per occasionem potero, Basilea abibo nec diebus plus octo illic commorabor idque d. Butleri caussa, quem Frankfordiam usque comitern habiturus sum. Nolim tamen id cuiquam indices, donec a Frankfordia Butlerus redierit; nemo enim ne Basileae quidem illum praeter me solum discessurum novit. Sunt, proh dolor, Anglorum res in novaculae acie, quod aiunt, constitutae ² . Venit ad eum Anglus ³ quidam hisce diebus sua causa ex Anglia huc missus, quem statim literis datis ablegavit; ipse sequetur nunc Frankfordiam usque, ubi nonnulli (ut opinor) Angli illum convenient, viri pii et mihi non ignoti, quos certe exules esse metuo. Haec sunt, ut vides, mundi et principum exercitia. Tu tamen vel mea causa haec nemini patefacias, ne mihi haec exprobrandi occasio oboriatur. Tibi soli haec scribo, quem patrem mihi fidelissimum cognovi.

Interim tamen hoc animum meum non mediocriter angit, quod patronus Ammianus mihi datus sit ⁴ . Causam mirando consequi nequeo. Vir bonus est, non tamen tarn mihi farniliaris, ut patroni officium illi tarn libere quam tibi committere audeam. Faciam tamen quod velint. Hoc solum rogo, ne tu parentis animum erga c me exuas. Te enim solum rerum et fortunarum mearum refugium agnosco, quod si mihi negaretur, certe nec literis nec patriae operam dare posthac iuvaret. Sed, quoad te mihi patrem videro, curabo, ne alicuius culpae insimulari merito possim.

Salutat te d. Myconius et Gryneus. Salutabis nomine meo totam tuam familiam.

Velim certe, mihi credas, iuvenes Abatissani collegii ⁵ meliore morum civilitate instrui, si apud exteros laudem per hos consequi statuitis; sed haec per me tibi significata esse nolim quenquam scire.

Vale, humanissime pater, et me tibi commendatum habeas.

Basileae, 17. calendas iunii 1540.

[Adresse auf der Rückseite:] Clarissimo viro d. Heinrycho Bullingero, Tigurinae ecclesiae antistiti vigilantissimo, patri suo imprimis colendo. Z[ürich].