Ist beunruhigt, weil seine Briefe [Nr. 1379 und 1382] noch nicht beantwortet wurden. Der Briefüberbringer hat der Frau von Myconius Leinen verkauft und soll dafür aus Gwalthers Stipendium entschädigt werden. Die Fertigstellung seiner Joseph-Dichtung verzögert sich. Wiederholt seine Bitte um Zusendung von Büchern. Gruß.

Gratiam et pacem a domino.

Binas iam ad te literas misi 1 , pater humanissime, nec dum adhuc responsum ullum video. Quae res non parum animum meum curis et sollicitudine implicat, cum res mihi talis videatur, quae moram tantam minime postulet. Quare vaehementer te rogo, ut, quoad fieri potest, cures, ne diutius haec res procrastinetur. Sed me hortatore opus forsan non est; te enim in rebus meis etiam meipso diligentiorem esse credo.

Quod tamen nunc denuo ad te scribam, tabellarius ² hic caussa est, civis Tigurinus et uxoris Myconii ³ cognatus. Ab hoc enim Myconii uxor pannum lineum emit florenorum duorum et dimidii pretio et a me, ut tibi scriberem, petiit, ut nummos hos meo nomine ex angariae, ut vocant, stipendio ⁴ illi solvas. Quare te obsecro, ut hisce precibus meis satisfacere digneris et huic pecuniam hanc numeres.

losephi historiam jamdudum absolvissem', nisi curis tot perpiexus ingenium meum ad carminis studium applicare nequirem. Sed quamprimum perfecero, ad te mittam.

Libros, de quibus nuper scripsi ⁶ , quaeso, mittito.

Salutabis nomine meo uxorem ⁷ et matrem ⁸ tuam cum omni liberorum coetu ⁹ . Vale, pater charissime, deusque te mihi diu servet incolumem.

Basileae, 18. calendis maii 1540.

Tuus observantissimus

Rodolphus Gvaltherus.

[Adresse auf der Rückseite:] Clarissimo viro d. Heinrycho Bullingero, Tigurinç ecclesiae episcopo vigilantissimo, patri suo plurimum colendo. An M. Heinrych Bullinger, predicant zu Zürich.