Sein Brief aus Isny [Nr. 1024], wo er zusammen mit Bucer war, wurde in Konstanz wegen Johannes Zwicks Abwesenheit nicht weiterbefördert, und sein Diakon [Hans Salb], der einen zweiten Brief überbringen wollte, mußte die Reise wegen Krankheit abbrechen; in der Annahme, daß der erste Brief angekommen sei, wartete Schuler ungeduldig auf eine Antwort Bullingers, um wieder in Freundschaft zusammenzufinden. Wird zu Besuch kommen, sobald seine Frau die anstehende Geburt hinter sich hat. Grüße.

Gratiam et pacem a domino per Iesum Christum.

Scripsi ¹ superioribus diebus, dum essem Isnae una cum charissimo nostro fratre Butzero, atque literas per d[ominum] doctorem Zwickium ad te deferri curabam. Ubi vero Constantiam meae, quas tibi destinaram, pervenissent litere, aberat Io[annes]Zwickius, quo factum est, ut invita prochrastinatione ad te non pervenerint. Interim diaconus nostrae Memmingensis ecclesiae 2 , in domino cooperarius meus, Constantiam abiturus pollicebatur et nomine meo velle tuam humanitatem invisere, cui quoque literas dedi tibi deferendas. Sed corporis aegritudine interceptus cogebatur relicto itinere Tigurum versus Memingam remeare, ubi iam altera vice spe mea frustratus sum. Sed quia michi persuasi a meas literas, quas ab Isna scripsi, ad tuas pervenisse manus, hortor per dominum, amice incomparabilis, ut saltem uno verbo respondeas, ut, si quid animi sunt raritatis mucore obsiti atque non nichil superati, denuo a situ vindicati foelicius coeant.

Ego de adventu meo (quem iam altera vice tentavi) nondum plane despondi animum, immo constitui te tuamque familiam invisere. Cogor tamen ob praesentem necessitatem moras nectere. Uxor enim mea 3 graviter gestans uterum fere parturire incipit. At b postquam faeliciter pepererit, accingam me itineri ⁴ . Ora dominum, mi frater, hos ut conatus meos suo spiritu provehat.

Vale in domino, charissime frater, et me pristino amore prosequere. Saluta nomine nostro dilectam tibi coniugem 5 atque matrem ⁶ , Leonem Iude et Pellicanum. Spiritus domini sit semper tecum.

Datum 9. septembris, Memminge, anno 1537.

Tuus Gervasius Scolasticus c.

[Adresse auf der Rückseite:] Magnae pietatis et eruditionis viro ac domino Heinricho Bullingero, Tigurinae ecclesie antistiti vigilantissimo, praeceptori ac fratri cum primis observando.