Bullinger hat ihn aufgefordert, die Briefübermittlung nach Zürich zu organisieren, und er wird sich - auch weil ihn seine Glaubensgenossen drängen - sehr darum bemühen; ein junger Kaufmann nimmt den Brief mit und wird ihn in Frankfurt am Main einem Zürcher übergeben, weitere Briefpost nach Zürich hat er Bucer geschickt. Die böhmischen Glaubensbrüder, denen er die Ausführungen Bullingers zum Abendmahl im Hebräerbrief-Kommentar vortrug, waren hocherfreut zu hören, daß ihr Ritus dem zürcherischen entspreche; dies bekräftigte ihnen auch Theodor [Bibliander]durch seine Vorrede in der Ausgabe der Briefe Oekolampads und Zwinglis. Grüße.

Gratiam ac pacem a deo domino nostro.

Recte me admonuisti, doctissime Bullingere, in postrema epistola, quam abs te accepi anno 1534 in mense februario 1 ut tandem rationem aut viam , invenire velim, ut literae vestrae ad nos sepe et nostrae ad vos pervenire possent. Memorem monuisti, etsi curtam suppellectilem ad scribendum precipue latine me habere plane sentio, nullum tamen laborem tam alacri animo subire velim quam ad homines tam pios, doctos, benignos ac humanos saepius dare literas. Urgent fratres et huius civitatis tum aliarum civitatum et praesertim Bohemi, ut ea, que tu scribis, praestare velim, quibus obluctari piaculum duco. Nactus modo sum adolescentem mercatorem ² a Francfordia, qui modo agit in Montibus Chutnis 3 , civitate Bohemiae celebri; is promisit sese posthac literas nostras deferre Francfordiam, idque bis in anno, easque bona fide offerre Tigurinis mercatoribus adhibitis praecibus, ut vobis reddantur in manus, facturus his literis periculum. Misi et alias literas ad Martinum Buczerum Argentoratum, rogavi, ut eas Tigurum mittere velit ⁴ .

Morem, quem in cena domini servatis, ex commentariis, quos in caput decimum ad Hebreos indicasti 5 , fratribus, qui sunt in Bohemia, ad verbum exposui; nam id maxime cupiebant. Quanto gaudio perfusi sunt eo audito, alii potius pronunciabunt; mos enim illorum, quem ipsi observare solent in sacratissima domini cena, tam similis est vestro ut ovum ovo ⁶ . Accedit iam praefatio nostri Theodori 7 in Quattuor libros epistolarum lohannis Oecolampadii et Hudelrichii Zvinglii 8 , in qua et ipse vestrum morem nobis ignotum esse noluit.

Plura scribere volui, optime Bullingere; nunctius adstat excepturus literas. Salutant te in primis Fridericus Weigant, princeps huius senatus, Helvetius, Wenceslaus Lankisch, iudex, Caspar Guttel 9 , Onofrius Herczog, Celestinus Hennig, Iohannes Becherer 10 , cirurgus, Martinus N. ¹¹ , nostri reipublicae cives, ex Lubano ¹² Franciscus Boarius cum suis charissimis a , tandem ex Bohemia perquam multi; ego vero me tibi et administris tuis devoveo et addico.

Vale, decus theologiae.

Datum Zittae, 20. die mensis februarii anno a Christo nato 1537.

Osvaldus Pergenerus,

ab epistolis publicis b .

[Adresse auf der Rückseite:] Doctissimo viro domino Henricho Bullingero caeterisque fratribus verbum Christi apud Tigurum adnunctiantibus, fratribus suis sincere observandis.