[530]
Autograph: Zürich StA, E II 357, 16r.-v. (Siegelspur) Zusammenfassende Übersetzung und Teildruck: Blarer BW I 653-655
Will für Thomas [Hofmann] und Konrad Lüthard sorgen, bittet aber, in Zukunft nur noch von ihm selbst Berufene zu senden. Die Erneuerung der Universität [Tübingen]ist angeordnet worden; Peter (Brun], Gall (Müller], (Johann]Armbruster und Rudolf [Unger] wurden entlassen, Konrad [Blicklin] ist gestorben, [Georg]Simler erkrankt; das Studium des Kirchenrechts wird umgestaltet, außerdem werden bedeutende Professoren berufen, die Bursen zusammengelegt und die Gehälter erhöht. Vielerorts hat das Lesen der Messe aufgehört; die Abendmahlsliturgie, die Schnepf in Stuttgart eingeführt hat, ist kaum zu bemängeln. Lobt Herzog [Ulrich von Württemberg]. Erläutert seine Abendmahlslehre. Ersucht um Fürbitte. Grüße.
Gratia Christi tecum.
Thomam illum 2 , quem huc rursum abmandasti, clarissime Bullingere, non paenitebit, spero, suscepti itineris, tametsi vix iam fuerit, unde prospicerem. Arrident hominis mores et ingenium, inprimis pietas et mediocris eruditio. De Conrado Luthardo 3 nihil nunc polliceor, sed referam tamen in catalogum aliorum, quibus consultum cupio, nec excidere mihi patiar, suo tempore hunc quoque vocaturus. Profecto a tua praecipue caussa illum b retinui; nam sunt non parum multi boni et eruditi fratres, quos iamdudum bene sperare iussi. Proinde nullum huic non a me prius vocatum addes. Vellem omnino, si possem, omnibus adesse, qui isthinc mihi commendati sunt, et adfuturum etiam non dubito, sed suo tempore.
Caeterum hic currit et glorificatur sermo dei. Praescripta est gymnasii reformatio 4 . Missi facti sunt doctores aliquot 5 : tres c theologi - Petrus Monachus 6 , Gallus, parochus huius ecclesiae et scholae professor 7 , et adulescentior Armbrosterus, nunc rector gymnasii 8 —, medicus Rodolphus 9 . Demortuus
est canonum professor ordinarius, Ebingerus 10 . Simlerus 11 , plane doctus legum interpres, apoplexia laborat, qui vereor ut possit restitui. Mittentur et alii duo canonum praelectores 12 , et unus solus canonum lector in schola retinebitur, qui non papisticas nugas, sed secundum librum Decretalium 13 de iudiciis et paucissima alia propter practicam, ut vocant, legat 14 . Advocamus praestantes medicos, excellentes iurisconsultos, egregios theologos, linguarum professores peritissimos 15 . lungentur duo ista factiosa realium et nominalium, sic enim appellant, contubernia, ut unum sit contubernium 16 , ubi omnibus in commune praelegatur Aristoteles, praelegantur bonae literae 17 . Amphora erunt
omnium quam hactenus salaria 18 , quamquam nunc non possum totum hoc institutum ad te perscribere, quod alias accipies 19 .
Stutgardie, Herrenbergae, Canstatt etc. missa papistica prorsum extincta est; non quod hanc suo decreto princeps abrogarit, sed aliae fuerunt sacrificis caussae, ut cessarent. Que cum apud nos non sint, hic certe extrema positura videtur vestigia 20 . Coena Stutgardiae a Schnepfio talis est instituta, ut non possis in illa multum desiderare 21 . Non elevantur panis et calix nec sacris induitur vestibus, qui minister est. Cantantur psalmi nonnulli, leguntur lectiones, canitur hymnus angelicus 22 et In terra 23 ; quaedam latine, quaedam germanice dicuntur.
Princeps 24 magis ac magis fidere domino videtur, quem quo penitius perspicio, hoc magis mecum veneror et adoro. Reservatum d ipsum a domino puto maximis rebus conficiendis.
De mea in cena Christi sententia nolim te sollicitum et anxium esse 25 . Facile vides veram me corporis et sanguinis Christi praesentiam in caena statuere, sed quae sit extra quantitatem, qualitatem et locum, qua in re non videor a quoquam vere erudito, sive Lutheranus is sit sive Zvinglianus, dissidere. Dominus nobis alias atque alias concordie fenestras propicio numine subinde aperiat 26 !
||16v. Tu me tui longe amantissimum servatori Christo pientissimis praecibus cons[tanter]e commenda, ut par esse queam illi, cui me destinavit, muneri.
Salutem dic sanctissimae uxori tuae 27 cum liberis, deinde optimis viris Leoni 28 , Theodoro 29 ac reliqu[is]f . Bene vale, mi venerande et charissimis charior Bullingere.
Tubingae, 15. fe[bruarii]g .
Tuus Ambrosius Blaurerus.
[Adresse darunter:] Clarissimo viro domino Heinricho Bullingero, Tiguricen[sium] episcopo, venerando suo fratri.