[339]
Autograph: Zürich StA, E II 342,25 (Siegelspur) Gedruckt: Vadian BW V 15Sf
[Ammann Hans]Vogler ist zu einer Geldbuße verurteilt worden. Bullinger klagt, daß [in rheintalischen Angelegenheiten] die reformierten Orte überstimmt werden. Schickt seinen Kommentar zu den beiden Petrusbriefen und bittet um rasche Ausgabe von Vadians Epitome. [Rudolf]Stoll ist nach Bern gesandt worden, wozu, ist nicht bekannt.
Gratiam et pacem a Domino.
Voglerus ille noster, quem tu mihi commendabas 1, praeter ius et phas mulctatus est 2 , et in mulctam illam coactus est nuncius 3 ille noster consentire, nisi calamitosius quidpiam tergiversatione sua voluit admittere. Ita suffragiorum pluralitate 4 vincimur adeoque et in res foedas a turpissimis istis rapimur, ut provinciales isti miseri a nobis vel prorsus deserendi illorumque
6 libidini relinquendi sint vel praeter meritum plectendi, ne illorum tyrannide prorsus conterantur. O indignum facinus, et quod ista in gente libera videre cogimur. Sed haec ego mecum in dies deploro frustra, cum illud malum tam alte egerit radices, ut non possit nisi ferro excindi 7 Dominus, ille omnipotens vindex et ultor mali, Israelem redimat 8 .
Mitto tibi commentarios nostros in epistolam Petri utramque 9 effusos verius quam scriptos in hisce negotiorum turbis. Quam vero optarem Epitomen 10 illam tuam hodie esse aeditam! Sed et nunc quoque oro, aeditionem matures.
De rebus nostris nil possum certi scribere. Mittitur hodie Bernam Stollius 11 , at cuius rei gratia, nondum potui expiorare.
Vale et me, ut facis, ama.
17. martii 1534.
H. Bullingerus tuus.
[Adresse auf der Rückseite:] Clarissimo viro doctori loachimo Vadiano, domino suo plurimum observando.