[2114]

Keinem vortrefflichen Menschen gefällt Luthers Kurtz bekentnis", zumal Luther Verstorbene angreift und seine von Gott erhaltenen Gaben zum Verwünschen gebraucht. Dadurch wird Luthers Schwäche offenbar, und man wird zur Demut und zur Anerkennung der Begabungen anderer ermahnt. Im Gegensatz zu Luther, der den Bau gefährdet, den Gott mit seinen Dienern zu errichten begonnen hat, zeichnet sich die Antwort [der Zürcher]durch Mäßigung aus. Man hat nämlich nicht Luthers gegenwärtige Virulenz in Betracht zu ziehen, sondern dessen frühere Verdienste. — Borrhaus erklärt sich bereit, [den Zürchern] behilflich zu sein. — Gruße an [Konrad]Pellikan, Theodor Bibliander, [Kaspar]Megander, [Rudolf] Gwalther u.a.

Gratiam et pacem a domino.

Lutheri convitia ³ vir or[na]tissime a , bonis hominibus, ut par est, vehementer displi[cent], tum iis quibus oportuit, tum illis etiam, quibus nunqu[am] putaramus, partim quod in mortuos ⁴ ille, quibus communis naturae sensus parcit, linguae suae virulentia[m] petulantius armavit, partim quod abusus tot et ta[m] praeclaris dei dotibus eum fastum in convitiando declaravit, quem nec aetas nec sacra professio et m[ul]to omnium minime gloria dei ferat, qui humilia r[es]piciens excelsa deiicit et humilia exaltat. ⁵

Is ⁶ itaq[ue] in Luthero humanae fragilitatis exemplum nobis proposuisse videtur, quo admoniti disceremus, quam cui[que] demisse de se sit sentiendum et de aliorum dotibus ac ornamentis aequius statuendum operaque danda, ut, quemadmodum unius illius amplissimi corporis m[em]bra sumus, 7 ita alii aliorum munera et dona, qu[ae] dominus ad mensuram donationis capitis Christ[i]⁸ nobis largitur, quo admirabilis b ecclesiae structura consumetur, ⁹ pro virili adiuvemus. At vero, cum hoc aedificium Lutherus convellere studet, quod arch[i]tectus deus 10 per ministros suos extruere coepit, 11 responsio equidem vestra, ¹² quia praetermitti sine pietatis pe[ri]culo et ignominiae, quam ille aspersit, nota non pote[rit], aequum est, ut haec ipsa ¹³ a bonis iudicibus boni consula[tur]c et ab iniquis patienter feratur. Arbitror enim d [a]|| 315v. vobis eam moderationem adhibitam esse in defendendo, quae evangelii professores deceat et modestos viros minime laedat et immodestos convincat. Non enim, quid in presens mereatur vehementia Lutheri in calumniando, sed quae pridem collatis ab eo e beneficiis gratitudo debeatur, spectandum esse existimo. ¹⁴

Caeterum, quod ad me attinet, si quid ego prestare possum, quod ad ecclesiae utilitatem et ad verbi dei dignitatem exornandam pertineat, studio et opera mea, quantum in me erit, ne desim, elaborabo curaboque, ut hac in parte voluntatem benemerendi mihi adesse pii intelligant. ¹⁵

Vale, vir ornatissime, cum clarissimis d. Pellicano, Theodoro Bibliandro, Megandro, Gwalthero et caeteris amicis et fratribus in domino charissimis.

Martinus Borrhaus vester.

[Ohne Adresse.]