[1707]
Autograph a : Zürich StA, E II 343a, 258 (Siegelspur) Zusammenfassende Übersetzung: Blarer BW II 166, Nr. 984
Hat den Beschluss [,,Der loblichen statt Zürich ordnung und erkanntnuß wider das schädlich
kriegen und reyßlouffen"] an [Hans] Welser weitergeleitet. Möge Christus die Fürsten, die
zum Äußersten bereit sind, im Zaum halten, damit Deutschland am Ende nicht von den Türken
beherrscht wird! Glücklich sind [Peter] Kolin und die anderen, die der Herr zu sich gerufen
hat. Grüße. Sendet ein treffendes deutsches Pasquill [,,Teutscher Pasqillus"]; möge Gott sich
Deutschlands erbarmen! Man erwartet sehnsüchtig das Erscheinen der Bibel [,,Biblia sacrosancta"].
Weitere Grüße.
S. Exemplum plebisciti vestri 1 mox Augustam consuli Welsero 2 perferendum curavi et magnam tibi hoc nomine gratiam habeo, mi venerande Bullingere.
Cruentos principum nostrorum animos utinam pacis princeps 3 Christus noster coherceat! Verum sic committi nunc videntur monarcharum istorum 4 animi, ut uterque extrema tentaturus videatur idque magno plausu inimici crucis Christi, Turci 5 , qui profecto, ni aliter nostras rationes ineamus, totius Germaniae rerum propediem potietur.
O ter quaterque felices, quos mature hinc ad superos dominus evocat, atque o vere beatum Cholinum 6 , beatos caeteros optimos et doctissimos viros, quos singulari beneficio caelestis patris eximi videmus malis istis omnium longe atrocissimis, quae mundo impendent, qui adeo obfirmato animo urgenti ad resipiscentiam domino velut b ex professo manibus ac pedibus 7 obnititur paenam daturus gravissimis graviores. Dominus nostri misertus in pusillum suum gregem 8 electorum filiorum suorum nos adnumeret! Illi nos, mi venerande atque plusquam charissime Bullingere, diligentissime commenda c cum tota nostra ecclesia.
Saluta Pellicanum, Theodorum, Megandrum, in primis Gvaltherum, nostrum praecipuum amicum, gratias illi meis verbis amplissimas agens pro suavissimis literis suis 9 , quibus proxime respondeo.
Festino certe iam ad describendum tibi Germanicum pasquillum 10 , si forte nondum aliunde accepisti, ut clarissime ex illo intelligas, quomodo omnibus ingenia d comparata sibi videantur. Nec adeo procul ille a scopo me quidem
iudice coniicit. Dominus misereatur miserrimae nostrae Germaniae, quam, nisi irati iudicis sententiam solida resipiscentia antevertat, mox deploratissimam videbimus.
Labor vester in Bibliis, de quo scribis 11 , magno desiderio a magnis et multis expectatur, quem utinam dominus ad nominis sui gloriam feliciter absolutum curet.
Salutant te nostri, in primis germanus meus frater 12 ; uxor 13 et ego tuam coniugem 14 cum liberis 15 officiose salutamus.
23. decembris 1542.
[Adresse auf der Rückseite:]Bullingero suo. Tiguri.