[22a]
Autograph a : Zürich ZB, Ms F 42, 151 (Siegelspur) Ungedruckt
Auf seine Bitte um Erläuterung von [1 Petr 3, 19f]kann er nur mit einer Zusammenfassung von Zwinglis Meinung antworten: Dass Christus in der Unterwelt gepredigt habe, besagt in bildlicher Redeweise, dass sein Heilswerk den Verstorbenen bekannt geworden ist, den Gläubigen zum Heil, den Ungläubigen zur Verdammnis.
Gratiam et pacem.
Quaeris ex me indocto plane homine, charissime frater, loci illius difficilis explicationem 2 , quem Lutherus magnus ille vir se fatetur non intelligere 3 ; quam responsionem si tibi dedero, nihil est, quod egre feras. Sed que Zvinglius admirandus in divinis litteris vir hic sentiat, brevibus accipe:
Christus post resurrectionem suam discipulis suis adparuit ac mentibus eorum reclusis ita ad eos loquitur: "Sic scriptum est, et sic oportebat Christum pati et resurgere a mortuis tertio die et in nomine eius predicari poenitentiam et remissionem in omnes gentes"[Lk 24, 461]. Eandem sententiam apud lohannem sic explicat: "Accipite spiritum sanctum; quorum remiseritis" etc. [Joh 20, 22f]. Apud Marcum: "Qui crediderit et baptisatus fuerit, salvus erit"[Mk 16, 16]. "Crediderit", nimirum predicato evangelio. Quibus ex locis hoc colligimus turn fieri absolutionem a peccatis, dum per predicationem evangelii salus innotescit credentibus, rursus non absolvi eos, qui predicationi non obtemperant. Accipitur ergo predicatio hic tropicos 4 pro absolutione ab Ade prevaricatione 5 aut pro salutis manifestatione. Christus praedicavit inferis, hoc est, Christus absolvit eos, qui in culpa Ade ligati erant quique fide hinc excesserant, nam porte mortis erant confracte, absorpta mors in victoria, aculeus morti exemptus 6 , principi tenebrarum regnum ademptum. Rursus: Incredulis praedicavit Christus, hoc est, illis innotuit damnatio, quique turn oraculo divino non crediderant, iamiam suo malo ac damno discerent sese falsos esse ac aeternis cruciatibus merito b addictos 7 .
Cum ergo dicit Petrus: "Christus praedicavit inferis" [1Petr 3, 19], vult dicere c : Salus ac liberatio per Christum parta innotuit inferis; aliis quidem ad absolutionem, nempe credentibus, aliis item ad vindictam, incredulis scilicet.
Sed tu Zvinglii doctissimi sententiam verbis nostris incompositis quidem et incomptis tibi depictam, charissime fratri, benevolo animo excipe ac vale.
Leo Iud tuus.
[Adresse auf der Rückseite d ]: Heinrico B[ullin]gero, fratri suo [in] Christo.