[1434]

Hat mangels Gelegenheit länger nicht geschrieben; ein von ihm zurückerwarteter Bote ist gestorben. Ist froh, daß es Bullinger wieder besser geht. Daß der englische König [Heinrich VIII.] die Kirche verfolgt, erstaunt ihn angesichts des Schicksals seiner Frauen nicht; auch Kaiser [Karl V.] wütet [in Flandern], während einige Gutes von ihm erwarten. Sobald Joachim [Maler] vom Verlauf der Tagung [in Worms] berichtet, wird Zwick auch Bullinger unterrichten. Hat an Pellikan über [die Nebenehe Philipps von]Hessen und an Leo [Jud]über Michael [Back]geschrieben; Bullinger soll sich der Sache des letzteren annehmen. Konstanz bittet Zürich um Stellungnahme zu einem eherechtlichen Problem; die Zürcher sollen nicht zu streng urteilen. Grüße.

Salus.

Non sileo, quod rarius scribas, sed quod iam occasiones scribendi rariores sint, neque tu peccas tacendo, modo ne indignatione aliqua taceas. Ego quod tuis literis ¹ non respondi diutius, factum est expectatione tabellionis; cum enim literas tuas redderet, pollicebatur se brevi rediturum, sed iam ex alio et posteriore tabellione audio illum vita functum ² .

Intellexi autem ex literis tuis, quod non fueris firma valetudine aliquandiu 3 , iam vero te non nichil habere melius a . Quod posterius gratissimum est michi - non tuo ipsius nomine, praestaret enim nos citissime dissolvi et esse cum Christo ⁴ —, caeterum quotienscunque animum subit, quis status ecciesiae futurus sit ereptis sanctis apostolis, totus exhorresco et video, si non uno impetu, saltem paulatim irrupturam omnem impietatem. Quanquam non ignorem a domino stare, ut ex lapidibus creet filios Abrahae ⁵ , tamen, an velit, quod potest, quaeritur, deinde, an istud mereatur nostra ingratitudo.

Quae de Anglia scribis ⁶ , apud me non sunt nova; nichil enim unquam boni pollicitus sum michi de illius rege ⁷ , postquam truculenter adeo et subdole repudiavit primam uxorem ⁸ et secundam ⁹ interfecit, ne quid de rehquis 10 dicam. Extinxit uxores, extinguit etiam sponsam Christi 11 . Idem facit imperator ¹² , qui nuper cepit atrociter saevire in suos ¹³ . Interim sunt, qui boni aliquid de illo sibi pollicentur, id quod connivente domino puichre sentiemus.

|| ⁶⁸ Quid comitia ¹⁴ proditura sint, etiamnum ignoratur, nichil dum audimus ex Ioachimo ¹⁵ nostro, speramus tamen innocentiam nostram ipsamque veritatem melius habituram, si nos omnibus expositi simus rationem reddere fidei nostrae. Sed Christus bene omnia vertat. Amen. Cum primum aliquid rescripserit legatus noster, dabo operam, ne tu quoque ignores.

De facto Hessii ¹⁶ scribo ad Pellicanum ¹⁷ . Sed ad Leonem scribo 18 aliquid de Michaele ¹⁹ meo, qui meus est, dum mecum est. Hic te iterum atque iterum rogo, ne quid negligas; sed non est cunctandum.

Deinde quaerunt nostri consilium a vobis, ut audio, in causa divortii sive adulterii ²⁰ . Hic vellemus vos respondere mitius aliquid. non erga nocentes, sed innocentes. Sed et istud ex literis Germanicis ad Leonem.

Iam tu vale, et insta apud dominum multis precibu[s]b , ne nos deserat. Salutant te rursus boni omnes, cumprimis Ambrosius ²¹ cum fratre ²² .

Ex Constantia, 16. novembris 1540.

Tuus Io. Zvick.

[Adresse auf f. 61 a v.:1 c Domino Hainricho Bullingero, episcopo Tigurino, fratri charissimo.