Die Feinde der Reformation betreiben ihr Werk konsequent, die Reformierten dagegen sind ratlos. Gott hilft nur dem, der sich selbst hilft; das sollte dem Volk beigebracht werden. Inder kritischen Lage der Reformation in Solothurn ist von Zürich wenig Gutes zu erwarten, wenn sich neulich sogar der Tagsatzungsbote [Johannes]Haab für die Nachgiebigkeit und gegen «die Pfaffen» geäußert hat. Bitte um Nachrichten.

S. «Si deus pro nobis», ut est pro nobis, «quis contra nos?» [Röm 8, 31]. Hoc boni scribere possum, praeterea nihil. Malorum consiliorum plenus est mundus, nedum Helvetia. Laborant dies noctesque male pii, ut omnem pietatem extinguant. Pii contra vacant consiliis. Nescio, quid sit causae. Impietas videtur haec mihi potius quam quidpiam aliud, quia tentatur deus haud aliter, atque si in aquam decidens, ubi natando queas emergere, expectas, dum deus te servet et extrahat. Haec docenda sunt apud populum, usque dum rem paenitus habeant cognitam. Hisce diebus dum rogo, 2 quonam pacto se gerat senatus Tigurinus in tumultu Salodorensium 1 , respondet vir bonus, integer, authoritatis magnae: «Nihil equidem pii iamdum audivi, sed quid audirem? Habeus ³ , alter ex legatis, qui iam Salodori versantur ⁴ , nuper in Baden dixit: Sammir botz ⁵ etc., man wirt uns nummen als bald über einandren richten 6 von der pfaffen wegen!» Vide, mi Bullingere, quid sit in hominibus pravi. Si ille hoc dicit, et coram bonis viris quidem, qui putatur evangeliciss[imus]⁷ , quid latet in aliis? An propter nos isthaec miseria? An dissensionem nos causa? Misereatur nostri dominus

Vale. Si quid habes, redde, et brevi. Non est enim mihi solatium, si literas bonorum virorum dempseris.

Basileae, 10. novembris anno 33.

Os. Myconius tuus.

[Adresse auf der Rückseite:] Domino Heinricho Bullingero perquam docto, fratri in domino suo.