Sendet Bullinger das Versprochene zu und bittet ihn, seine, Schulers, Schulden bei einer Frau, die ihn bedrängt, zu bezahlen. Lobt die Freundschaft mit Bullnger wie auch ihre gemeinsam in Bremgarten verbrachte Zeit; die jetzt erlebten Gemeinheiten lassen die Erinnerung daran noch schöner erscheinen. Hofft auf Briefe von Bullinger, bis sich eine Möglichkeit zum Wiedersehen ergibt. Grüße.

Gratiam et pacem a domino per Iesum Christum.

Charissime frater, quod me missurum pollicebar 1 , mitto iam nunctii ² nactus oportunitatem. Praesentium lator igitur te, plane meum inter mortales, quasi meo vinctum debito solvet. Ceterum, ut exponas, oro, ne me magis turbet huius mulieris 3 inpetus infaelix admodum ⁴ . Porro quod amicorum greek greek ⁵ attinet, nichil est, quod magis conqueror, quam quod tua peramoena familiaritate non datur uti vel per ullam occasionem. Habeo, mi Heinriche, quod animum cruciat, eoque magis, quo inpensius communem nostram recordor amiciciam. Maeroris huius causam iuvat non nichil apud te tranquille olim b vixisse, non quod me pristinae sortis unquam poenituerit, tecum, inquam, placidos transegisse dies, sed quod olim dulcia degustasse inter tot amara pocula ⁶ iam positum pene animi et corporis vires enervat. Dum tecum Bremgarti ⁷ essem, amici integritatem in te nusquam non sanam atque firmam experiebar, quae postquam animo meo radices iecerat, longius abire coactus [!] non parum aliena consuetis animae et corporis periculo experiri voluit deus, fortassis, ut utriusque comparatione docerer, quantum polleret sincerus animus dolique ignarus. Quo igitur magis aliorum in me fraude inpetor, eo magis pristinae familiaritatis, quid dicam, beatitudinis grandescit commemoratio. Quum igitur, charissime frater, nulla occasione fieri potest praesertim hac mea stante conditione, ut coram confabulemur, praecium opere te facturum puto, si placidis tuarum litterarum epicherematis aliquantisper Gervasium tuum suffulcias, donec data occasione olim coram animum solvisse licebit.

Vale, meae delitiae in domino. Uxorem tuam ⁸ de me semper bene meritam plurimum salvere iubeas una cum charissimis liberis. Tu interim ut hactenus Gervasium tuum solito amore prosequere. Iterum vale.

Datum septima die iunii anno sesquimillesimo tricesimo tertio 1533.

Gervasius tuus ex animo,

diaconus Basiliensis ecclesiae.

[Adresse auf der Rückseite:] Erudicione et pietate precellenti viro Heynricho Bullingero, preceptori meo in primis observando.