[224]
Autograph a : Zürich ZB, Ms F 38, 301r.-v. Siegelspur. -Ungedruckt
Wollte den vielbeschäftigten Bullinger nicht in der Arbeit stören und hat deshalb noch nichts berichtet. An Pelikan hat er ausführlich geschrieben. Berichtet kurz über den Aufenthalt in Paris, den Grund der Weiterreise nach Bourges und die dortige Studiensituation. Bittet dringend um Zusendung von Geld. Grüße.
Fido sacrarum literarum concionatori, Heinricho Bullingero, Io. Frisius gratiam et pacem a deo exoptat.
Non me fugit, vir praestantissime, te infinitis negotiorum fluctibus esse obrutum partim ob evangelii simplici turbae concionandi provinciam, partim ob immensum tibi in aedendis libris laborem iniunctum, qui rei christianae etiam peregrinum incolantibus orbem cognitionem potest praebere. Ob hoc, inquam, nolui tuum, quo perpetuo adstructus es, studium meis perturbare nugis. Alias scribendi initium de meo vitae statu ipsa, qua Tiguri discessi 1 , hora sumpsissem. Quare tui ingenii [!] canderent, rebus magis necessariis addictum haud volui vanis obtundere. At si te meae tenet
| Briefe_Vol_03_0127 | arpa |
|---|
conditionis desiderium, Pellicanum nostrum, cui omnia copiose scribsi 2 , adeas velim. Is te de novellis quibusdam Luteciae Parrisiorum actis faciet certiorem. Caeterum, ne diutius quoque par sit, digrediar. Rem ipsam paucis cape.
Nosti, vir humanissime, quo animo, quo etiam consilio nos hanc peregrinationem sumpserimus, quaeque ratio vos 3 , huc qui copiam discedendi concessistis, impulerit, nempe capesendi ergo ingenii cultus exterarumque nationum mores cognoscendi, qui hominem non tantum prudentem aut solertem efficiunt, verum etiam in rebus sive adversis sive secundis constantem immotumque reddunt, eum vero imprimis, qui cum malos malis esse artibus viderit instructos, sibi ab huiusmodi potest cavere caeterosque, quo malum evitent, amice admonere. Sed, quaeso, cur haec dudum experto narro? Silentio igitur praetereundum existimo ac animi institutum, a quo totus negotii cardo pendet, brevibus pro mea ingenii parvitate explanabo. Quamprimum Parrisios venimus, statim inter nos consilia, quid facto opus esset, contulimus. Alter satius fore aliquot Parrisiis menses manere suadebat, alter item Bituriges versus iter instituendum contendebat. Tandem potius Luteciae degere visum est. Proxima tum de hospitio erat quaestio. Quod non minori singulis mensibus comparatur precio quam uno ac dimidiato floreno. Id nostri crumenulae plus satis esse videbatur. Porro quo sumptu nobis civi alicui liceret esse greek itidem interrogavirnus. 40 aut plus eo florenis singulis annis affirmabant. Tum animus et consilium mutatum est, ac recta Bituriges fleximus iter. ||301v. Ibi tum annonae caritatem invenirnus maximam studiaque dempto iure prorsus politioribus in literis frigere vidimus 4 . Haec quantumvis e re nostra minus fore sentiebamus, nihilominus exhausti iam longo itinere coacti sumus permanere. Ista, o vir praestantissime, ob hanc causam literis mandavi, ut videas, quantarn nostrum pertulerit iacturam marsupium. Oro itaque tuam humanitatem pecuniae, quamprimum fieri potuerit, ad nos perferantur. Tu enim unicus is es, cui tanquam fido patrono confidimus, in cuiusque tutelam spem nostram -de illa autem loquor, qua aliquis erga alium utitur -prorsus coniecimus. Quare, si tu deseris, perimus. Postremo oro et adhortor, ut nobis tuo consilio frui semper detur facultas. Hoc per quicquid in nostrum videris cessurum commodum, benigne admoneas.
Vale, praesidium dulce decusque meum 5 . Tuam familiam salvam cupio. Theodorum 6 , Carolostadium meis verbis officiose salutabis. Dominum item Heinrichum Utingerum, Nicolaum Wiss 7 diligenter salutabis.
| Briefe_Vol_03_0128 | arpa |
|---|
Datum raptim Biturigibus Franckorum regis, 14. die maii anno 1533.
Tuus ex animo Frisius,
quantus quantus est deditissimus.
[Adresse darunter:] Fido evangelii preconi M. Heinricho Bullingero, suo patrono imprimis colendo. Gen Zürich.
