Ist bereit, Johannes Hospinian um Bullingers und Meganders willen zu unterstützen, doch Hospinians Freund [Bonifacius]Amerbach kann dies besser, da Myconius [an der Universität] nichts mehr gilt. Hospinian wirbt um [Anna Schaffner], doch auch auf sie hat Myconius seit dem Tod des Großvaters [Jakob Meyer] und des Stiefvaters [Johann] Walder keinen Einfluss mehr. Dankt für Neuigkeiten von der Badener Tagsatzung und begrüßt, dass sich Zürich gegen Frankreich stellt; dort wurde ein Gläubiger gefoltert und verbrannt, und [König Franz I.]paktiert offen mit dem türkischen [Sultan Suleiman I.]. Gerüchte über die Belagerung von Buda durch kaiserliche und böhmische Truppen; [den Protestanten] droht unabhängig vom Ausgang des Krieges Gefahr. Will sich in der Sache der [von Bullinger empfohlenen] Jugendlichen bemühen; kann wegen der bevorstehenden Synode nicht ausführlicher schreiben. Grüße. Votiert für die Wahl [Hans Rudolf] Lavaters zum Bürgermeister.

S. M[agistrum] Ioannem Hospinianum nondum vidi. Novi non esse indoctum, de pietate ignoro. Habet d. Amorbachium 1 , quem intellexi pridem ei amicum esse. Is iuvare potest. Siquid ego facturus sum, tuo et Megandri nomine facturus sum. ² At opera mea non indiget, atque id illi proderit. Qui mihi placent, aliis displicent; quos promovere conor, prohibeo. Hanc gratiam apud doctos nostros habeo, quamvis dissimulent egregie. Verum ita hactenus sensi et expertus sum.

Caeterum aliud esse audio, quamobrem huc se contulit; ambit puellam 3 certe bonam. Quid fieri possit, plane ignoro; videant, quorum interest. Ad me nonnihil pertinere visa est, dum vixit avus ⁴ et item vitricus Walderus; his defunctis nihil sum etc.

Gratum est, quod scripsisti de comitiis Badensibus ⁵ ; omnia nescivi praeter vaga quaedam, quibus fidem habere non potui. Placet valde, quod tui se a Gallo ⁶ separant et a fautoribus eius ⁷ ; dignus est a , quem nemo non aversetur. In Gallia vir evangelicus ⁸ , postquam de Christo loqui non desineret, primo linguam perdidit, dein combustus est b intra mensem. Adeo constat convenire

Rumores sunt caesarianos castrametasse ante Budam, sed nihil audere, Turcam petere inducias, at neminem dare, Boemos ingenti multitudine adesse valde alacres, sed prohiberi, ne hostem obpugnent temere; periculum enim esse, ut fallantur. Si successerit, in periculo stamus, sin aliter, iterum instat damnum. Quicquid eveniat, inter nos magis discordabimus. Utinam dominus stet a nobis!

De adulescentibus ¹¹ diligenter inquiro; si invenero, dicam. Non queo pluribus tecum colloqui, quod synodus futura ¹² ocium omne tollit.

Vale cum tuis omnibus in Christo. Gasparem ¹³ salutabis diligenter meo nomine, Theodorum ¹⁴ item et Pellicanum.

Basileae, 8. iunii anno 1542.

Os. Myconius

tuus.

Si votum meum recipies, Lavaterum creabis in consulem ¹⁵ etc.

[Adresse auf der Rückseite:] Domino Heinricho Bullingero doctissimo, in domino suo. Zü[ric]h c .