[1620]
Autograph: Zürich StA, E II 343a, 238 (Siegelspur) Ungedruckt
Christoph [Rotacher] ist von der Magd, die ihn verführte, durch eine wohl nur vorgetäuschte Schwangerschaft betrogen worden; er eignet sich zum Dienst in Schule oder Kirche und wird seinen Fehler durch künftiges Wohlverhalten vergessen machen. Der Reichstag [zu Speyer] soll in großer Eintracht geendet haben, und nun wird [zum Türkenfeldzug] gerüstet; Papst [Paul III.] sieht Italien bedroht und will deshalb nur ein kleines Truppenkontingent zur Verfügung stellen. Das von Pfingsten auf Mariä Himmelfahrt [15. August] verschobene Konzil soll in Mantua, Ferrara, Bologna, Piacenza oder allenfalls Trient stattfinden, wie der Bischof von Modena [Giovanni Morone] bekannt gab.
S. Redit Christophorus 1 tandem, ut vides, iuvenis certe bonus, quamvis foede
me fefellerit 2 , falsus tamen longe foedius; scortum 3 enim, quod ad
stuprum innocentem coegit, id quod negare nunquam potuit, postquam uterum
diutius circumgestavit, interim etiam famulam agens, evanuit et a nemine
non dicitur nihil minus quam gravidam fuisse. Quod si verum, quid
aliud in animo fuit quam me et illum infamare et omnibus exponere ludibrio?
Quod is igitur peccavit, stulticia fuit, non malicia, id quod tamen non
in omnibus reperire est. Quamobrem videtur omnino recipiendus ac fovendus,
donec poterit vel in ludo vel in ecclesia suum officium peragere. Commendo
igitur illum tibi et reliquis, quibus cura demandata est scholarum;
non dubium est enim, quin sic sit acturus deinceps, ut, quod ante peccavit,
facile in oblivionem deveniat.Briefe_Vol_12_070 arpa
De finitis comitiis et adparatu bellico 4 nimirum mercatores vestri nunciarunt. Digressi sunt per magnam, ut aiunt, concordiam; pecuniae vis ingens ubique colligitur, magna item multitudo hominum. Papa 5 , quod nescit, an et Italiam petiturus sit Turca 6 (classem enim ingentem habere congregatam dicitur), promisit quinque tantum millia peditum, si imperator 7 in expeditionem exiturus sit, sin minus, partem dimidiam. 8
Concilium edicturus erat ad festum pentecostes 9 , verum propius est, quam ut sic conveniat; differet usque ad assumptionis Mariae 10 . Quia vero cupit ipsemet interesse, civitates destinavit in Italia Mantuam, Ferrariam, Bononiam seu Placentiam. Quodsi cui pertinaciter placeat Germania, civitatem et hic nominat, Tridentinum. Sic episcopus Mutinensis 11 proposuit Spirae principibus. 12 Quid responsum sit, ignoro. Haec prioribus literis 13 adiecta volui.
Vale cum tuis in domino.
Basileae, raptim, 15. aprilis anno 42.
Os. Myconius
tuus.
[Adresse auf der Rückseite:] Domino Heinricho Bullingero doctissimo, in domino suo.
