Gruß zum neuen Jahr. Schreibt beiden gemeinsam, da [Johann] Walder in Kürze auf bricht. Weiß die Einigkeit, wie sie unter den Zürcher Pfarrern herrscht, erst richtig zu schätzen, seit er selbst unter Zwietracht zu leiden hat. Aus der Weigerung seines Kollegen [Karlstadt], die Laster öffentlich zu tadeln, ist eine tiefe Spaltung in der Gemeinde entstanden, da es dieser verstand, sich beliebt zu machen, während Myconius in Verruf geriet. Die Zürcher sind nur bruchstückweise orientiert; wenn sie auch vielleicht durch [Georg Müller] Näheres über den Konflikt mit der Universität erfahren haben, wissen sie doch nicht, wie es in der Basler Kirche jetzt zugeht. All diese Übel haben die gleiche Quelle: Als Myconius zum Beispiel in einer Predigt vor der Vermischung von geistlichem und weltlichem Amt warnte, sprach sein Gegner sogleich der Obrigkeit - unter Hinweis auf die Könige von Juda - das Recht zu, den Geistlichen Vorschriften zu machen; durch diese Haltung, die dem Rat entgegenkommt, hat er die Änderung der Synodal- und Bannordnung ermöglicht; Johannes [Lüthard] hat Pellikan darüber berichtet. Bittet um ihre Fürbitte; der Brief soll verbrannt werden. Gruß.

S. Felix ac faustus sit vobis novus hic annus. Amen.

Fratres charissimi, unis vos literis salutare libuit, quod tempus defuit, quo singulos possem. Vesperi significatum est Walderum 1 ad vos abiturum, ut postridie post prandium ad iter se vellet accingere.

Cogito saepe felicitatem ecclesiae vestrae, quia, qui praesunt, adeo fovent concordiam, ut ne in leviculis sit aliqua species dissidii. Ex quo tota ecclesia sic retinetur in statu felici, ut hunc perturbare vel impiorum vis et multitudo nequeat. Quae hinc commoda, quae piarum mentium tranquillitas, qui fructus pietatis, qui literarum proventus, ausim dicere me his temporibus melius nosse quam vos, qui commodis illis fruimini. In causa est, quod equidem non ita pridem in simili statu positus nunc contrarium pati cogor, unde, quae fuerit tunc suavitas vitae et totius fortunae meae et ecclesiae, in praesens cognosco melius. Unde nil nisi dolor, gemitus, querimoniae, nulla iucunditas vitae, nulla studiorum, nulla doctrinae, adeo dissidium initio parvulum omnia vastavit. Dicam vobis ut intimis meis quidnam.

Flagitia corripere scitis quam res sit in ecclesia, ubi boni et mali, necessana. Idem officii dum voluimus, ut par erat, uni ² ex nobis imponere, sic restitit, ut clamaret se nolle doceri a nobis. Deinceps igitur tam diligenter, quod renuit, prosequutus est, quam est natura pronus ad auram populi venandam. Illud itaque mox adsequutus est, ut boni, mitis, placidi nomen apud omnes obtineret, ego contra immitis, crudelis et tantum non tumultuosi, ut cui nihil rectum, nihil planum esset. Hoc pacto divisus est populus haud aliter, quam solent pueri scholares, dum hic blandum, alius virgis utentem libentius sequitur praeceptorem. Iam ubi sensit symmista favorem, concursum, laudem ex concionum suarum dulcedine paratam, adeo blanditur, ut crederes iurasse placentia se deinceps dicturum. Hoc quidem initium; quanta vero mala deinde sint exorta, brevibus dici non potest.

Partem nosti tu, mi Bullingere, ex me, sed ita, ut nescias; partem scitis omnes ex d. Grynaeo 3 . Verum rem totam adhuc scio vos ignorare, nisi ex abbate Wettingensi vetere ⁴ , quae acta sunt inter nos et universitatem ⁵ , acceperitis; nam audio quendam ⁶ hinc ad eum misisse omnia, etiam quae nos etiamnum ignoramus. Interim tamen et ea nescitis, quae subverterunt ecclesiam, nescitis ecclesiae speciem, nescitis, quod quidam verbum libenter alligarent7, qua de re coram mallem libentius colloqui, si possem, quam per literas.

Ex uno fonte isthaec omnia, et quaecunque mihi displicent, habent illum pro defensore. Exemplum: Ego superioribus diebus discrimen dixi inter potestatem ecclesiasticam et potestatem saecularem. Hic inter alia exposui non