Bestätigt die mündlich übermittelte Bitte, Rudolf Grob im Auftrag der Ehefrau von Myconius einen halben Gulden auszuzahlen. Adam Frey dankt für [Bullingers "Bericht der Kranken"]. Benötigt für verschiedene Anschaffungen einen Gulden und legt dar, wie sehr der Aufenthalt in Straßburg seine Mittel erschöpft hat; bittet um Erhöhung des Stipendiums. Grüße.

Gratiam et pacem a domino etc.

Cum nuper per publicum illum tabellarium 1 literas ² ad te scripsissem, patrone humanissime, scriptasque obsignassem et ille discessum a iam adornaret, rogabat d. Miconii uxor ³ , ut per hunc nuntium te iuberem ipsius gratia de pecunia mea dimidiatum florenum dare Rodolpho Grob ⁴ aurigae, nam eius cognatus est; hunc ego deinde ratione subducam. Hoc si, ut Appenzellero 5 mandavi, curavisti, bene est; quod si certiores a me expectavisti literas, rogo, ut nunc expedias.

Adamum Fry 6 ipse conveni, qui satis dignas gratias se nunquam pro libro ⁷ referre posse ait. Pietatem certe exercet egregiam patientiaque utitur incredibili. Deus faxit, ut hoc morbo liberetur.

Te rursum rogo, charissime praeceptor, ut de pecuniis, quas habes, mihi florenum mittas, ut aestivas vestes et alia comparare possim; incredibile enim, quam me Argentina exhauserit. De proximis enim nummis mihi missis florenos sex et sex bazones Bedroto mittere oportuit; huic enim debui pro victu florenos novem Argentinensis monetae, ante dederam quinque. Praeterea florenum ibi insumpsi in ligno, florenum Herlino ⁸ pro Ptolemaei lectione dedi, dimidiatum florenum pro hypocausto cubiculoque; reliquos duos pro aliquot libellis et viatico insumpsi. Und hatt mich fürwar also Straßburg wit hindersich ⁹ bracht. Quare, patrone humanissime, te rogo, ut, si quo pacto fieri potest, aliquod saltem meo stipendio addatur augmentum, quo facilius literis operam dare possim. Testor certe illos, quibuscum habito, me nullos inutiles sumptus impendere; sed quo modo huc penuriae iam pervenerim, satis intellexisti. Plura, quae scribam, non habeo. Te rogo, ut haec aequi bonique consulas meque tibi habeas commendatissimum.

Salutat b te plurimum Ioannes Reyfenstein 10 mei amantissimus et Otho ¹¹ noster. Salutabis et meis verbis uxorem ¹² matremque ¹³ tuam, honestissimas foeminas, cum omni liberorum coetu ¹⁴ . Vale bene, patrone observande.

Basileae, ex aedibus d. Miconii, 3. maii 1539.

Tui observantissimus

Rodolphus Gvaltherus c .

[Adresse auf der Rückseite:] Vere docto et pio viro M. Heinrycho Bullingero, patrono suo imprimis colendo. An M. Heinrich Bullinger zu Zürich.