Ein Kratten voll

Gesammelt von Hans Michel

D' Ankenhäx 1 vo Luterbrunnen

Vor vielen Jahren hed's g'heissen, da syg in Häx in Luterbrunnen. Si hein diêja schon lang im Verdacht g'häben, un due hed's der Schuemacher ubernon, das usz'gahn. 2 As hed si Wunder g'non, wan dieja, nummen von em einzigen Chuoli, sevel Anken nämi. Eis es Tags ischt der Schuemacher dert uf der Stehr 3 g'syn. Uf d's Mal hed das Wybli der Tutel 4 virha un fad umhi an anken 5. Mid derra näbennaha ⁶ aber hed dervor der Schueni en Abmacheta ⁷ g'häben, das si däm Ankenwybli grad es Wyltschi ⁸ vor d's Huus usa rieffi.

Wan si ischt usa g'syn, lied's der Schuemacher g'wundred, was all's in däm Anktêtel syg. Aer hed d'r Techel drab g'non, un wan er ahi gugged, g'sehd er, dass da en rota Hudel 9 drinn ischt. We so flingg 10 hed är dän Hûdel in Hosensack tan. Pletzli ischt d's Wybli iminha chou un lied wyterg'änkled. Nyd über lang hed si die Nydla am Hudel in d's Schuemachers Hosen o ufg'lan. Gly hed är en pussna ¹¹ Sack g'häben, un die blanki Nydla ischt usa g'runnen. Von denn an hed d's Ankenwybli die Schlicha g'merkt un hed nen verhäxed. Druf ischt där arm Schueni. wan hed in Anktutel ahi g'schneiggned, ¹² erchranked un hed nymeh uf sim Drybeinz chennen sitzen.

In allem Dorf ischt es G'red g'syn. Mu lied mu sen truwed, die verfiixti Häx syg d'Schuld drann. Der Man vorra ¹³ ischt miseel plageta g'sin wäg derra d'wägen. Aer lied's grad us allen Lyten Mylren ¹⁴ miessen g'heeren, un von denn an lied er in Ekel uberchon ab ra.

"Wen mi epper welt lehren häxen," hed er zue ra g'seid, "su tät i's am seiftischten ¹⁵ grad bin dier lehren."

"1 will dier das sobald bybringen, wet mer willt folgen," lied si zuon mu g'seid.

D'ruf, gäg Mitti Nacht, hed's nen hinder der Schyr ¹⁶ uf en Mischthuufen wuohi b'schickt, un due lied's mu bifohlen, alls nahi z'sägen wan syja sägi.

D'rnah lied si a'gfangen:
Hie stahn mier uf ysem Mischt!

Der Man lied das lut un dytlich nahi g'seid:
Hie stahn mier uf ysem Mischt!

Vii syja ischt wyter g'fahren:
Un verlougnen ysa Herr Jesum Christ!

Das aber lied d's Manndli nid bigährd nahi z'sägen un lied briêled:

I rieren nider, was hinder un vor mer ischt! Därmit lied er die Häx e so teffied, ¹⁷ dass si ischt näb mu ahi g'wellpt un tod g'sin.