ALPENSAGEN

UND SENNENGESCHICHTEN AUS DER SCHWEIZ

NACHERZÄHLT VON C. ENGLERT-FAYE

BUCHCLUB EX LIBRIS ZURICH

'S TODTEBEINDLI

Sisch einisch e Chünig gstorbe; sy Frau und zweü Chind sind no am Läbe bube, es Meiteli und es Büebli. Do händ sie einisch d'Mueter gfrogt, vieles vo-n-ene daß einisch müeß Chünig wärde. Do seit sie zue-n-ene: «Liebi Chind, gönd jetze zämme i Wald usse und suechet das Büemli, wo-n-ech do zeige, und das, wo's von ech zerst findt, das mueß einisch Chünig wärde.» Do sind die zweü zämme gange, und im Wald sind si bym Sueche-n-e chly ussenand cho, und 's Meiteli het 's Blüemli z'erst gfunde. Do denkt's, es weil sym Brüederli no-n-e chly warte, und lyt näbe Wald i Schaue, nimmt 's Blüemli j d' Hand und schloft j Gottsname-n-i. Derwyle chunt 's Büebli au a das Orth, aber 's Blüemli het er nonig gfunde gha. Wo-n-ers do aber im Händli vo sym Schwösterli gseh het, so chunt em öbbis Schröckligs z'Sinn: «I will mys Schwösterli ermorde-n-und em's Blüemhi neh, und hei go mit, und denn wird i Chünig?» Denkt und to. Er het's tödt und im Wald verscharret und Härd drüber deckt, und kei Mönsch het nüt dervo gwüßt. No mängem, mängem Johr isch e Hirtebüebli dert uf der Weid gsi mit de Schöflene, und findt es Todtebeindli am Bode vo dem Meiteli. Do macht er e par Löchli dry wie am-e-ne Flötli, und blost dry. Do het das Beindli gar erschröckli trurig afoh singe - die ganz Gschicht, wie's Meiteli vom Brüederli umbrocht worde-n-isch: me het möge die bälle Träne briegge, wemme das Lied ghört het. Do goht einisch, wo das Hirtebüebli so gflötet het, e Ritter det

Alpensagen-197	Flip	arpa

---

verby; dä het em das Flötli abgchauft und isch dermit im Land ummezoge, und het an alle-n-Orte-n-uf dem Beindli gspilt. Einisch het do au die alte Chünigi dem Ritter zueglost, und isch ganz trurig worde, und het der Sohn abem Thron gstoße und briegget erer Läbtig.

---

Copyright: arpa, 2015. Der Text wurde aus der Märchen-, Geschichten- und Ethnien-Datenback von arpa exportiert. Diese Datenbank wurde dank Sponsoren ermöglicht. Es würde uns freuen, wenn wir mit Ihrer Hilfe weitere Dokumente hinzufügen können. Auch bitten wir Sie um weitere Anregungen in Bezug auf Erweiterungen und Verbesserungen. Im voraus Dank für die Mithilfe. Spenden können Sie unter In eigener Sache Ihr arpa team: www.arpa.ch Kontakt