Projektseite Volksmärchen Sagen Geschichten Etnologie Beriche © Arpa data
Textbreite
Schriftgröße
Kapitel 

Ein Kratten voll

Lauterbrunner Sagen


Gesammelt von Hans Michel


D'r lescht Bärgdorfet uf d'r Wengrenalp

Friejer hein d'Luterbrunner un d'Grindelwalder uf d'r Wengrenalp Jahr fer Jahr am Bärgdorfet en scheena Bänz 1 usag'schwungen. En Tschuppen Jahr ischt das Schafli gengen uf d'Luterbrunner-Syta chon, un das lied d'Orindelwalder furt un furt g'wurmed. 2

Un duo ischt en em Grindeiwalder yg'fallen, sys Purschi an er Fihlimähren z'seiggen. 3 Bis das er ischt fifzächenjährig g'syn ischt där no im Fotzelrock 4 umha g'schlingled.

E paar Jahr d'rnah, bin er Watteten Schnee, chund syn Alta, wan no geng chächa 5 ischt g'syn, us em Weidli vom Hirten. Halba Wäg aha ischt er von eim a'packt worden, un där lied nen gwiss mier nyd un dier nyd in Schnee usi g'rierd, un druf lied er si verbutzd. 6 B'm z'nachten 7 hed d'r Aetti ses d'r Hushaltig g'raleged. 8

Im Verbliemten lied das die AHi un d'r jung Flatschlig 9 vor Lachen fascht zersprengt. Z'lescht un entli hed mu d's Frouelli g'wisst z'ruunen, dass das grad syn Junga sygi g'syn. As ischt g'wiss no etlichs Jahr gangen, ob där lied in einzega Streich g'wärched, dass ischt in fuuli Bohna wärt g'syn.



LeuterbrunnenSagen-207 Flip arpa

Am i,ieischten ischt är dem Fälen 10 un dem Häägglen 10 obg'lägen. En g'nietega 11 Hääggler isch g'syn, sygs im Nahfinger ol im Grossen.

Wan d'Schwingeta an d'r Wengrenalp ischt losgangen, hein dän grossen Watschlig vier Grindelwalder an er Chetti bis uf en Platz g'fierd. Wan si syn chon mid mu, hed si ails verggaffed an däm Traliwatsch. 12 Finger lied er g'häben wen Arvzäpfen, Fyscht we Schindelpluwia. 13

Us em Huufen von d'r Wengensyten hed eina brieled: "Hoscha - boo! — hoppelli boo! — dän heid er g'wiss nid an d'r Rinderbaarni 14 g'häben!"

D' Grindelwalder syn von eim zum andren gan chischellen 15 wie där en Munichraft heigi; där traagi vier - fyf Zäntner ohne schnuupen un bartwischen, un hyt syg er no bsundrig ufg'schochneta.

Syg's g'syn wela dass heig wellen, si hein g'chrafted un g'safted an mu, as hed vellig, vellig nyd b'schossen. Ohni wyters hed eina fer eina miessen von Griffen lan un flach gän. As hed g'wiss ails d'schuudred. eso hed er eina na dem andren nider g'macht, un menga hed si no g'wirsed 16 am mu. Pletzli hed's en jedra g'uwilled, dän utappeten Geschmer z'nyschen. 17 D' Grindelwalder, un b'sunders syn Eltra, syn stotzig 18 worden. Disa ischt firhi uf en Schwingplatz un hed si usgän, wen eina da sygi, wan syn



LeuterbrunnenSagen-208 Flip arpa

J unga megi, su chenn er anhi chon an itramen 19 un von achtzächnen die brävschti Trycheichue usaläsen.

Sobald ischt da es chrouchs Graaggimanndli 20 vo Wengen virhi, un duo ischt alls in es Lachen chon. As hed g'seid, as weil schon grad eina mid mu machen. D'r alt Tricknapf 21 von dämm useeden 22 Grindelwalder ischt ufg'standen un hed mu virhi brielcd: "Was willt jetz du mid dynen chrummen, reeklen Chnoden?" 23

Duo heis z'sämengriffen. Ja g'wiss wen es Wäxi ischt das Graffelmänndi uf nen los. As ischt mid mu hin un här, aber mid däm Holzepfelross ischt nyd g'syn az'gahn. Pletzli hed das das Mantschi hoh in d'Luft g'häben wen en Lyribuob 24 un hed brummled: "Wa sol en di jetz hin tuon?" Un d'r Gross hed gegerlecha un pechischa 25 zun Grindelwaldren uberg'lyssled.

Im Nuu ischt mu das niêfer 26 Manndli us en Griffen etwitscht. Aes nyd linggs - guot Schnätz 27 — ischt mu über en Puggel ab pfitzt, hed nen am Girtel g'sammled un -ppänng - duo ischt där Tätschbär uf em Puggel g'syn - u ddas! 28 Uf Wengensyta hed's es G'lärmidier gän, dass hed in allen Fliehnen teend, wan die Waschscha 29 ischt bedegeti g'syn, un si hein g'chichred, wil d's Bänzi no eis uf di disri Syta chemi.



LeuterbrunnenSagen-209 Flip arpa

Däruf ischt d'r Alt vom Orindeiwalder uf d's Troom 30 chou, da syg in Häxery derbie. Schon b'm Handdricken heig d'r Jung g'merkt, das er litscha 31 wärdi, un bevor er das Beri heig chennen ablegen, syg er ganz abächa 32 g'syn. Duo ischt in Zanggeta un Trischaaggeta 33 usbrochen; si hein inandren g'fuuschted un g'wixt, un as ischt in ungehyri Strigleta 34 drus worden. In jedra hed i Tschuppen Pylli 35 am Grind g'häben, un däm alten, nieferen Männdi heis g'wissd d's Nasenbein yz'rieren.

Von da an hed's i kein Bärgdorfet un Schaflischwinget meh gän uf d'r Wengrenalp, un no in Huufen Jahr hed das g'hässelled zwissen Wengen un Grindelwald.


Copyright: arpa, 2015.

Der Text wurde aus der Märchen-, Geschichten- und Ethnien-Datenback von arpa exportiert. Diese Datenbank wurde dank Sponsoren ermöglicht. Es würde uns freuen, wenn wir mit Ihrer Hilfe weitere Dokumente hinzufügen können.
Auch bitten wir Sie um weitere Anregungen in Bezug auf Erweiterungen und Verbesserungen.
Im voraus Dank für die Mithilfe. Spenden können Sie unter In eigener Sache

Ihr arpa team: www.arpa.ch Kontakt