Projektseite Volksmärchen Sagen Geschichten Etnologie Beriche © Arpa data
Textbreite
Schriftgröße
Kapitel 

Ein Kratten voll

Lauterbrunner Sagen


Gesammelt von Hans Michel


D' Schtächelbärger hein anstatt Gold es U'ghyr g'funden

Vor uralten Zyten hein die hindrischten Talbewohner, d'Schtächelbarger, hej 1 wuohi zwissen Dirlocherhoren un Rottalgietscher Ysen graben. No friêjer heis da o Gold g'funden. As ischt nieuwa 2 alben es Männdi vom Rotfluohhoren naha 3 chon, gwiss nid greeser wan en Hittetotz. Die meischten Lyt hein das viel un dick 4 g'sehn aha dion tin dir d's Tal us träppellen. Aber an dämm hät si eina no trumpierd, das ischt en tonnders zäja Bonz g'syn. D's hindrischt mal hed er en grossi Loubhutta am Puggel g'häben. Alls hed's Wunder g'non, was där in d'r Hutten heigi. Aer lied sa geng mid nein Hudel 5 deckti g'häben, das mu ja niemer chenni drin schääken 6, Suni 7 hein si ds Tyfels verfluoched, sî heiges zwissen Rîppenen, Schînen un Wideschten g'sehn us d'r Hutten usa zinnten wie Gold. Sobald, dass im Herbst di erschten Schneeggyfer hed dir d'Horen aha g'jagt, den lied er si grad verbutzt 9. Usgänds Merzen lied er si umhi mickti 10 zuoha g'lan. Wen där Chnirps talin ol talus ischt, lied er si nid megen uberhan, wan hie un da bin er Hushaltig yz'chehren gan gschouen fir eppes z'zabnen. Gwiss d's hindrischt Mal, wen er ischt chou, ischt er d's gäggels 11 g'syn, un ihnen hed g'wiss d's Allerhindrischta guet megen lyden.



LeuterbrunnenSagen-197 Flip arpa

Eis an em tollen, luuterren Herbschttag ischt das Männdi ussen inha dion un guotgangs 12 inhi un bis in das Rytigufer g'ragled 13 As lied allem zueha brieled, un dernah hed's nes g'seid: "So ier lieben Lyt, jetz wil i noch Uskunft gän, was j fir Heimlichkeiten han in d'r Hutten g'häben. I han da eso hin un wider Gold uf Gsteig usi. ler heid mier, sig i oben aha ol ussen julia chon, ohni wyters z'ässen g'än. I bin g'wiss o pletzli elter wan die chlynen Schepf in d'r Litschenen. I han ag'non, i sig hyt d's lescht Mal usi g'sin, un as tiecht 14 mi grad, i chenni nymeh lang läben. I han no grad es Einzigs zuon och z'sägen, un das ued er mer chuum abschian. Wen i g'storben bin, su ued er mi wuohi näbem Dirlocherhoren ylegen. 15 D' Schtächelbärger syn ohni wyters yverstanden g'syn. Duo ischt das Beri wyter g'fahren: "Fir ewwi Miej 16 wil i noch jetz grad sägen, wan i d's Gold han g'non. Gaad 17 an Schtuofenschtein wuohi un dernah über d'Gletscherlouena ober un dir en Chriegsmahdwang uuf bis gäg d's Dirlocherhoren. Wen er wuohi chemed, gsehd er pletzli es Loch im Schopf; dert miêsst er inhi. Da stotzed en Pickel. un dän miesst er nähn. Dert g'schpired er Trapplega 18 uf eni Felsen, un denen miesst er na. Den chemed er an en grossi Blatta. Sobald, das er mid dem Pickel dran tippelled, 19 den geid si uuf. Den heid er in mächtega Huufen Gold un syd di Rychsten z'wyter Heid." Un duo isch abg'hased.



LeuterbrunnenSagen-198 Flip arpa

Die Schtächelbärger nyd lingg un syn morneschti am Morgen z'rächter Zyt z'Wäg. Da syn dry settig gangen war zum obsi gan nid hein g'churred 20 wen in ibelg'häbni Geis, 21 un den hättes den dem Tyfel terfen in Bart stahn. D'r Sterchscht lied es Uberräf 22 g'non, die andren beed hein in jedra es Gabelli 23 g'häben. Wa si syn wuohi an Stuofenstein chon, lyd das Goldmänndi tod's hert under em Wägli. Si heis uf d's Uberräf uufbunden. un eina ischt na Pickel un Schuufla in d'Stuofensteinhitta. Un fluggs sis tiber d'Gletscherlouena über. Wan si syn wuohi dion zum Dirlocherhoren hei ses ab'bunden, en Gruoba g'macht un ses yg'leid.

Gly, wan si sin zum Horen zuehi chon, heis d's Loch funden. As ischt nid wyt inhi gangen, as lied no Heitri g'häben. Die Trappiega heis ohni wyters g'spird, aber där Pickel ischt bi d's Tyfels Wyti niena z'finden g'syn. Wan si d'r Pickel nid hein g'sehn, heis d'Farb g'ändred, syn schier älb 24 worden un hein en tonnders Angst uberchon. Uf d's Mal heis es ungehyrs Grammpol 25 g'heerd. Wen en Blitz ischt es mächtigs, grasigriens Lumpetier vor si g'sprungen! As hed grad d'Art g'häben wien en Heidox 26, aber numen isch en cheiben Huufen greeser g'syn. Ein Stachel am andren, g'wiss wie Gablentschinggen, 27 ischt uf cm Rigg 28 g'stotzed; Grinda lied's zween g'häben, uusg'sehn heis we där von em Zytmuni. 29



LeuterbrunnenSagen-199 Flip arpa

Das Utier lied uf en Zennden g'chnaschled un d'Ougen in (]rinden verträid un hed si wellen frässen. Un das ischt so sicher das eppes!

Un duo heis nidsi 30 g'lan, syn pletzli geigled; 31 unna us sys Totz über Meis chon, un in jedra hel in g'schirpfta Grind g'häben.

Syg in dam Loch wuohi Gold, ol sygen da Ug'hyr, g'wiss en kein einzega Hindergrunder hed's meh verzennd, 33 das gan usz'näslen. 34


Copyright: arpa, 2015.

Der Text wurde aus der Märchen-, Geschichten- und Ethnien-Datenback von arpa exportiert. Diese Datenbank wurde dank Sponsoren ermöglicht. Es würde uns freuen, wenn wir mit Ihrer Hilfe weitere Dokumente hinzufügen können.
Auch bitten wir Sie um weitere Anregungen in Bezug auf Erweiterungen und Verbesserungen.
Im voraus Dank für die Mithilfe. Spenden können Sie unter In eigener Sache

Ihr arpa team: www.arpa.ch Kontakt