Projektseite Volksmärchen Sagen Geschichten Etnologie Beriche © Arpa data
Textbreite
Schriftgröße
Kapitel 

Ein Kratten voll

Lauterbrunner Sagen


Gesammelt von Hans Michel


D'r Schnyder von Isenfluoh

Z' Zweilütschenen tüen die Teler von Grindeiwaid un Luterbrunnen si teilten. Plötzli hinder em Dörfli. linggs von der wyssen Lütschenen, g'sehd mu en höiji Fluoh us en Tannstoldnen usa guggen. Obna druff ischt en scharpfi Chleippa 1 Wasen. Daruf heis vor Jahr un Tag d's Dörfli lsenfluoh buwen. Aes ischt nid grad gross, aber heimlich. 2 Wen mu von Wengen anha gugged, g'sehds grad us wien en Mutta. 3 Drum isch "uf der Mutten".

Schynts heigs früejer da usi o Zwärgleni g'häben. En lsenfluohschnyder hed en toila Tschuppen Zwirggen 4 un e paar Meitscheni g'häben. Aer ischt en guota Aetti g'syn, aber är hed glych di gröschti Müej 5 g'häben, syn Hushaitig dürhi z'schlan. Von eim Stärnen zum andren hed är g'schaffed uf Tod un Läben. Aes hed mu nie an Arbeit g'fähld. Eis hed er schuuderhaft Dringends z'wärchen g'häben, aber mid dem beschten Willen hed er ses nid mögen g'machen. Am Morgen, wan er ischt in d's Näbeschtübli 6 chon, ischt die Alegi



LeuterbrunnenSagen-192 Flip arpa

büessti, bögleti 7 un bürschteti, eifach fix un fertig uf em Tisch g'lägen. Aer lied's nid chönnen begryffen, wie das ischt zue un här gangen. Das ischt drnah mengischd 8 vorchon, das er am Aben mid d'r Arbeit nit lied mögen g'chon, wäg dessen isch schi am Morgen glych g'machti g'syn. Un due hed er gengen pässled, wär ihm die ganzi Wärcheta machi.

Plötzli hed er chönnen g'merken, dass da e paar Männdeni inha chon syn, si sofort uf en Tisch uohi 9 g'setzt hein un a sin Schnurpfeta 10 syn. Stich fer Stich heis büesst 11 un d's Glettysen g'wärmd, g'letted un bürschted un die Alegelleni styf zämeng'leid un fertig g'macht.

Den hein se si hääluf umhi g'chutzt! 12 D'r Schnyder uf der Mutten hed darann die gröschti Plessier g'häben un hed si fascht hindersinned, wien är denen chönni z'danken chon. Aer als Schnyder hed g'merkt, dass si sälber besser Hudla 13 nötig hätten. Sobald das er hed Trifti 14 uberchon, hed er etlichs Alegelli für si g'macht tin hed ne si für ihra Unmuoss heizt 15

Druf am Aben sys umhi chou, hein die Zueversicht g'sehn, hein naha g'luegt, hein d'r gröscht Erger uberchon, wil si syn g'merkt worden.

Von da an heis g'wüss weder Stupf no Chritz meh g'macht un hein dem Schnyder uf der Mutten für geng der Puggel g'chehrd.


Copyright: arpa, 2015.

Der Text wurde aus der Märchen-, Geschichten- und Ethnien-Datenback von arpa exportiert. Diese Datenbank wurde dank Sponsoren ermöglicht. Es würde uns freuen, wenn wir mit Ihrer Hilfe weitere Dokumente hinzufügen können.
Auch bitten wir Sie um weitere Anregungen in Bezug auf Erweiterungen und Verbesserungen.
Im voraus Dank für die Mithilfe. Spenden können Sie unter In eigener Sache

Ihr arpa team: www.arpa.ch Kontakt