Schweizer Märchen Sagen und Fenggengeschichten
Neu mitgeteilt von Curt Englert-Faye
1984
ZBINDEN VERLAG BASEL
A bsundara Lob
Es het arno! a Magd im a Korenacker gjättet und wia si so der Wüest zwüschet da grüena Hälemli usryßt, kunnt a glaraugnati tickbuhigi Krotta zua-n-ara häregwadlet. D'Jäteri gruset si ab dem leida Tier und stupft's furt und seit: «Gang, ich will der go pflega ko, wenn d' in d's Bett kunnst», und druf ist d'Krotta dur' dan Acker wyter ghupft.
A Wuche-n-oder zwo nohär kunnt denn a Fenk zur Magd in d's Hus und seit: «Gelt, du weischt noch, was seib mol im Korenacker zue-n-ara Krotta gseit best: <Gang, ich will der go pflega ko, wenn i d's Bett kunnst.> Du muescht
| Schw. Maerchen Sagen-215 | Flip | arpa |
|---|
wüssa, diaseib Krotta-n-ist my Wybli gsi, und jetz isch's denn so wyt, jetz brucht's grad a Pflegen, es ist in d's Bett ko, und der Santiklaus het-am a prächtigs Büebli brocht.» So seit der Fenk zur Magd, ryßt sie bym Tschopa-n-ärmel, schleipft sie z'weg, und sie mueß bygotts mit, 's sei ara lieb oder leid.
Dur grusig Töbel und Wälder füert sie der Fenk bis zuen-ara großa Höli, und das ist ds Fenka Hus gsi. D'Magd schickt si dry, was het sie au sus sölla tua, foht a pflega, und pflegt a par Wucha; het's derbei wyters nit schlecht, het z'essa-n-und z'trinka, wia-n-a Gröfi. Wia d'Pflegeta-n-um ist, git - ara d'Fenki a par Kohla in d'Schoß: «Se, do best au eppas für d's Pflega.» D'Magd denkt: «Nu, Kohla hett-i daheimet au». verbyßt aber de Zora-n-und goht mit da Kohla i der Schoß wyter.
Wia sie a Stückli vom Fenkahus gsi ist, luaget sie zruck, ob-ara d'Fenki nit eppa noha luagi, und wia sie niemet g'sieht, würft sie d'Kohla gauflawys furt; aber d'Fenki güggelet heimli bym-a Löchli ussa, luaget-ara zua und rüeft: «Wia meh aß-da verzetterist, um so minder host!» Uf des bhaltet d'Magd noch drei Kohla in der Schoß und treit sie heimetzua. Wia sie daheimet über ds Läubli uffigoht, merkt sie neisa n-eppas klingla, und wia sie in d'Schoß yhiluaget, sind für d'Kohla drei roti Goldklümpli dry. Do goht sie fryli weidli wider zruck go die verworfna Kohla sueha, findt aber keini meh.
|
Copyright: arpa, 2015. Der Text wurde aus der Märchen-, Geschichten- und Ethnien-Datenback von arpa exportiert. Diese Datenbank wurde dank Sponsoren ermöglicht. Es würde uns freuen, wenn wir mit Ihrer Hilfe weitere Dokumente hinzufügen können. Auch bitten wir Sie um weitere Anregungen in Bezug auf Erweiterungen und Verbesserungen. Im voraus Dank für die Mithilfe. Spenden können Sie unter In eigener Sache Ihr arpa team: www.arpa.ch Kontakt |