Schweizer Märchen Sagen und Fenggengeschichten

Neu mitgeteilt von Curt Englert-Faye

1984

ZBINDEN VERLAG BASEL

s'Merli vom Funtechächeli

Es ist erna! en arms arms Chindli gsi, de Vatter und d'Mueter sind cm gstorbe-n-und do hät's müese bymene Vetter und by-n-ere Bäsi si, und di händ em wenig z'Ässe ge, und de ganz Tag hett's söle-n-uf sym Chämmerli spinne. Do isches e Mal ganz trurig i sym Chämmerli gsässe und hät' gschroue! «Ach, wänn nu au myn liebe Vatter un my liebi Mueter na

Do ist das Fraueli wider furtgange, und das Chind ist ganz eleinig bube. Do häts tankt: «Wän ich nu au de Name nüd vergisse!» Und das' s ne nüd vergässi, hät's de ganz Tag aliwyl vorem ane gseit: «Funtechächeli, Funtechächeli.» Z'letst isch es müed worde-n-und ist ygschlaffe. Und wo's erwachet morndeß und ufstaht, so hät's de Name ganz vergässe gha und hate gar nüme chöne säge. Es hät si schier z'tod bsinet, und der ander Tag au, und z'letst isch es erschröckli trurig worde-n-und hät agfange schreie, wil es nüme gwüßt hät, wie das Fraueli heißt.

Jez am dritte Tag sitzed's zimbis bym Asse-n-und chömed d'Chnächt hei usem Holz, und do händ die Chnächt erzelt und gseit zum Meister und zur Meistere: «Wänir au wüßted, was mir gseh händ!» Do säged's: «He, was wetted er gseh ha?» Do säged die Chnächt: «He nu: Z'mitzt im Holz uße ischt e runds, grüens Wisli, und i dem Wisli had z'mitzine es Fürli b'brännt und es Häfeli deby, das hät gsotte-n-und deby zue ist e schrökli schöns Fraueli gstande — er chöned gar nüd glaube, was für e schöns, chlyses chlyses Fraueli das gsi ist -do hät's e Chele gna und hät i dem Häfeli grüehrt, und dann isch es alewyl z'ringelum gange-nund hät gsunge:

«Süd. süd Häfeli, süd!
schweiß. schweiß, Häfeli schweiß,
Wyl mys Chindeli nümme weiß,
das j Funtechächeli heiß.»

Meied ir, do hät das chind gloset, wo's das ghört hät vo dene Chnächte. Jez hät's ja uf einmal wider gwüßt, wie das Fraueli heißt. Es hät si aber ganz still gha und hät keim Möntsche nüd gseit, und ist wider i svs Chämerli gange go spinne. Do zabig chunt das herzig Fraueli und seit: «So, wie isch es jez, weist jez na, wie-n-i heiße?» Do seit's: «Ja fryli weiß i's. wie-n-er heißed: Funtechächeli heißed er!» Do seit das Fraueli, «Ja ja, du häsches guet b'halte, wie-n-i heiße, und jez bringi der das Redli» und git em do es guldigs Spinnredli, wo vume sälber hät chöne spinne-n-und seit: «Bhüetigott, und blyb mer nu aliwyl e guet's und e bravs Chind.»

Do hät das Chind es Redli gha, das hät so e schöns Garn gmachet, wie kei einzigi Frau im ganze Dorf hät chönne. Es ist aber e bravs, flyßigs Chind blibe-n-und hät syner Läbtig as Funtechächeli tänkt.