ALPENSAGEN

UND SENNENGESCHICHTEN AUS DER SCHWEIZ

NACHERZÄHLT VON C. ENGLERT-FAYE

BUCHCLUB EX LIBRIS ZURICH

DER MA IM MOND

Weisch, wer dört oben-n-im Mond lauft? Das isch emol en usöde Ma gsi, dä het nid umegluegt, ob's Suntig oder Wärchtig gsi isch; goht einisch amene heilige Suntig is Holz und fangt a e Ryswälle zämestähle; und wo-n-er fertig gsi isch, u die Wälle bunde gha het, nimmt er sie uf e Rügge-nund isch e heimlige Wäg us, wo-n-er gmeint het, daß ihm kei Mönsch begägni. Aber wer em do begägnet, das isch der lieb Gott sälber gsi; dä het em scho lang zuegluegt, wie-n-er der Suntig gschändet het und verbotni Wäge gang-en-isch, und

Alpensagen-178	Flip	arpa

---

het du dänkt, er weil em emol zeige, wo's dure göng. «Ghörsch», seit er zue-n-em, «du bist jetz scho-n-en alte Sünder und hättisch weigger d'Hell meh a's verdient; j will der aber no b Gnad für Rächt ergoh und lone der d'Wahl, ob de wellisch i d'Sunne go schwitze oder j Mond go früre.» Uf das het der arm Schölm dänkt: «Ebe so mär j d'Hell a's i die brünnig Sunne» — und seit ämel stantebeni: «He se nu se de, wenn's doch si mueß, so will i's mit dem Mond versueche.» «'s blybt derby», seit der lieb Gott - und sider isch de Ma im Mond und treit ahi Obe sy gstolni Ryswälle-n-uf em Rügge hei, wyl's em gar grüseli chalt macht dört obe und er gärn es Fürli miech. Lueg nume gnoti, ob's nid wohr isch!

---

Copyright: arpa, 2015. Der Text wurde aus der Märchen-, Geschichten- und Ethnien-Datenback von arpa exportiert. Diese Datenbank wurde dank Sponsoren ermöglicht. Es würde uns freuen, wenn wir mit Ihrer Hilfe weitere Dokumente hinzufügen können. Auch bitten wir Sie um weitere Anregungen in Bezug auf Erweiterungen und Verbesserungen. Im voraus Dank für die Mithilfe. Spenden können Sie unter In eigener Sache Ihr arpa team: www.arpa.ch Kontakt