ALPENSAGEN

UND SENNENGESCHICHTEN AUS DER SCHWEIZ

NACHERZÄHLT VON C. ENGLERT-FAYE

BUCHCLUB EX LIBRIS ZURICH

DIE TOD MUETER UND S' BÜEBLI

Es ist amol a Mueter gsi, und dia het a Büebli gha, und das Büebli ist ara lieb gsi, wia sus nüt uf der Welt, und 's Büebli wär syner Mueter au dur' na Für gsprunga. Aber d'Mueter erkranket und stirbt, und do ist dem Büebli gsi, a's gehret's nümma z'leba, und de ganza Tag Bets gröret und au d'Nacht noch. Wo's het wella schlofa, ist em d'Mueter in Sinn und 's Wasser i d'Auga ko. Wias' aber gega Mitternacht goht, und 's Büebli noch allawyl wach und trurig i sym Bettli lit, goht eismols d'Tür vom Schlofkämmerli langsam uf, und wia s'Büebli erschrocka luaga will, wer kemm, stoht syni gstorba Mueter vorem, ima schneewyßa Kleid, nu am Ärmel sei a schwarzes Tüpfli gsi. Fründli seit sie zum Kind: «Gelt, Hansli, du kennst mi noch?» —«Jo fryli, kenn i di noch.» — «So gang», seit d'Mueter wider, «und wüsch der d'Auga-n-us

Alpensagen-153	Flip	arpa

---

und bet für mi andächtig an Rosakranz, daß mer do my Tüpfli am rechta-n-Armel vergoht, derno bin i ohni Makel und kumm in Himmel.)> So seit sie und verschwindet druf. 's Hansli springt gschwind us' am Bett und betet kneuliga an Rosakranz, und wia's mit dem letzta Stückli ist fertig gsi, so erschynt em d'Mueter noch amol, aber ohni Tüpfli am rechta-n-Aermel, über und über wyß wia Schnee, und lieblig wia-n-an Engel dütet sie gega Himmel und seit: «Hansli, jetz kummi uffi!» und verschwindet, und dem Hansli wird wohl ums Herz und er vertschioft ruebig.

---

Copyright: arpa, 2015. Der Text wurde aus der Märchen-, Geschichten- und Ethnien-Datenback von arpa exportiert. Diese Datenbank wurde dank Sponsoren ermöglicht. Es würde uns freuen, wenn wir mit Ihrer Hilfe weitere Dokumente hinzufügen können. Auch bitten wir Sie um weitere Anregungen in Bezug auf Erweiterungen und Verbesserungen. Im voraus Dank für die Mithilfe. Spenden können Sie unter In eigener Sache Ihr arpa team: www.arpa.ch Kontakt