ALPENSAGEN
UND SENNENGESCHICHTEN
AUS DER SCHWEIZ
NACHERZÄHLT VON C. ENGLERT-FAYE
BUCHCLUB EX LIBRIS ZURICH
D'HEXA-SENNERI
Vor Johr und Tag ist uf ara-n-Alp a Senneri gsi, und so oft sie am Obed ga melka ganga-n-ist, het sie d'Stalltür hindera zuegschlaga und vom schlechtesta Küehli de größt Eimer voll Milch gmolka, daß all Alplüt nüt anders gmeint hend, a's sie könn hexa. Jetz amol goht der Alpmeister und seit: «Ei, Senneri, säg mer, wia milkst du dyni Küeh?» Aber d'Senneri will zerst nit ußa mit der Sproch, und nu, wyl er gär fit nohgit z'tribiliera, so seit sie: «Wenn d' die schönst Kuah dra woga witt, so will der zeiga, wia-n-i myni Küeh milk.»
«Es sei a Wort», git ara der Alpmeister zer Antwort, «luag dia seil schö bru Kuah dört uf am Ram doba, sie het a prächtigi Schella-n-a und schrytet den andera vorus - dia wogi dra.» liber das seit d'Senneri: «So will j sie meika!» Der Alpmeister will z'weg und will d'Kuah zum Melka vom Ram abahola, aber d'Senneri seit: «Das brucht si alls nit, loß dy Kuah doba», und schloht vier Zäpfa-n-i d'Stallwand und foht a melka a dena Zäpfa, und-äh gelt! es kunt us' em Holz Milch grunna i vier fingerdicka Brünneli, daß me fit gnuag Schiff und Gschirr i der Hütta het ufbrocht. Noch und noch seit aber d'Melkeri: «Jetz sött ma höra melka, es könnt sus Bluat ko.» — «Macht nüt», seit der Alpmeister, «milk du zua», und d'Senneri milkt und milkt, und richtig rinnt noch und noch Bluat für Milch us da Zäpfa, und über na's Wyli trolet die schö bru Kuah mustod aba vom Ram.
|
Copyright: arpa, 2015. Der Text wurde aus der Märchen-, Geschichten- und Ethnien-Datenback von arpa exportiert. Diese Datenbank wurde dank Sponsoren ermöglicht. Es würde uns freuen, wenn wir mit Ihrer Hilfe weitere Dokumente hinzufügen können. Auch bitten wir Sie um weitere Anregungen in Bezug auf Erweiterungen und Verbesserungen. Im voraus Dank für die Mithilfe. Spenden können Sie unter In eigener Sache Ihr arpa team: www.arpa.ch Kontakt |