ALPENSAGEN
UND SENNENGESCHICHTEN
AUS DER SCHWEIZ
NACHERZÄHLT VON C. ENGLERT-FAYE
BUCHCLUB EX LIBRIS ZURICH
DER POSTLI UND DIE KATZE
Der Postli vom Maderanertal isch einisch der d'Nacht z'Silänä by der Schitzä verby. Und darnah chunt dur ds Teeltschi appä-n-ä gryßlichi, schwarzi Chatz, ihm grad vor d'Fiäß, und gaht vorem anä. Z'ersch het er sie wella uf d'Armä nä und ärä wella flatiärä. Und darnah het er aber doch tänkt: Nei, das machisch nitt, mä weiß niä! Der «Nacht sind all schwarz Chatzä-n-alt Häxä. Diä Chatz isch em düä eißter i dä Fiäßä gsy, und z'letscht isch er afigs ertäubet und het züen-em sälber gseit: Dä witt sie ä chliy stäikä, diä müeß doch sicher nu gleitiger gah! Und het-ä Stei üffgläsä und will ärä der ariährä. Aber woll! Diä het si eiswägs kehrt gha! Der Tyxel hindärä! wiä diä ä Puggel gmacht het! und d'Augä! diä hend-ärä glissä wiä Liächtli. Und küttet und pfüset lied etz diä, wiä-n-es Lokamatyv! Düä het der Postli dersälb Stei einisch änandäränah uß dä Händä ta! A Tschüder isch dur-en üff chu, und d'Haar sind em z'Bärg gstandä, sy hend d' Kappä-n-uf-em Grind schiär glipft. Vo da äwägg isch em diä Chatz nimmä-n-uß dä Fiäßä, er het chennä macha, was er het wella, und wo-n-er zur Ellbogächappälä-n-üfä chu isch, het er gschwitzt, ds Wasser isch uß ein üsä grunnä wiä us-ämä Zeintli. «Jetz wit aber doch probiärä», tänkt er düä züenem sälber, «ob dü etz diä Häx nitt von der äwägg pringsch; jez sind ämal Hyser i der Neechi, wennd's fählt, sä channsch um Hilf riäffä.» Und er list ä Stei üff, und macht aber äs Chrytz drüff. Wiä-n-er aber das Chrytz gmacht het, isch diä cheibä Chatz niäna meh gsi. —«Hrn, das het mä-n-eißter gseit: der d'Nacht syg keiner Chatz fit z'trüwä.»
|
Copyright: arpa, 2015. Der Text wurde aus der Märchen-, Geschichten- und Ethnien-Datenback von arpa exportiert. Diese Datenbank wurde dank Sponsoren ermöglicht. Es würde uns freuen, wenn wir mit Ihrer Hilfe weitere Dokumente hinzufügen können. Auch bitten wir Sie um weitere Anregungen in Bezug auf Erweiterungen und Verbesserungen. Im voraus Dank für die Mithilfe. Spenden können Sie unter In eigener Sache Ihr arpa team: www.arpa.ch Kontakt |