ALPENSAGEN

UND SENNENGESCHICHTEN AUS DER SCHWEIZ

NACHERZÄHLT VON C. ENGLERT-FAYE

BUCHCLUB EX LIBRIS ZURICH

D'S LIECHT IM HÄFELI

Es syn iinischt o zwoa Schweschtri gsyn. Die unt ischt as miserabligs, as böß, gittigs Wyb gsyn, aber darzua grusem a ryhi; d's Summer het sie a schwera Tschuppa Veh u de vum fürnämsten, wo du choast gsien, z'Bärg ghäben, gruuß Trächli darzua, u d's Winterzyt gwüß föf ol säx Ghirt in de Stäälen umha. Da ischt a Keena nienaby soa ryha gsyn. Die ander hingägen, vun de gringlochtigsten iis, wo's nadischt Numine no Mueteni git, het och e kes gotzigs Dingeli ghäben: kes Gvichtli, ke Spys, kes Gwendi, weder iis noch a Kus. So het sie's o grad schiergar fit vermögen sälbe z'liechten. Drum ischt sia den aalben zwüscht Tag u Liecht mit der Chochla d'Matten embryn z'disara gangen, für by-n-ihru Liecht z'spinen, daß sie emel o chienti es Tröpfli 01 erhusen. Die Ryhi hetti 's nadischt liechtlig mögen b'salen, 'ru appartig a Tägel z'gien; aber niiniggwüß! dua sie in iru Verbooscht nieme nüt hed mögen gönen, su het sie 'ra nidnummen a keena vor sia sundrig dartan, sie het bym Sapperlilott noch iru iigat Liecht gnoan u het s'es in as Häfeli ynhitan, daß sie ja nüt seliti darvoa gsien. Das het die Armi streng bchrenkt; aber gsiit hetti sia nüt, sie wie mu denn doch no z'stolzi gsyn. Aber am Morgen, wennd's gluuteret het u d'Sunna hinder den Bärgen embruuf choan ischt, da het sie al gschrien und gsiit:

«O du my lieba, liechta Tag,
Dä nimmer j d's Häfeli schließen mag!»



Alpensagen-053

Flip


arpa

U jetz, myner Chind, machet's - b'hüet mi Gott! — nid och a soa wie die Ryhi. D's Widerspiel! Gönet enand, was er hut; nu u-n-abchunt üch as arms Mendi ol Wybli, su gät mu gäre, was's mangleti u was er chiänt!